У акцыi «Смак часу: сямейныя рэцэпты» EX-PRESS.BY прынялі ўдзел беларусы — жыхары і ўраджэнцы Барысаву і Жодзіна. Яны падзяліліся сваімі гісторыямі, успамінамі і рэцэптамі, а таксама фатаграфіямі страў і працэсу іх падрыхтоўкі. Магчыма, гэтыя публікацыі ад EX-PRESS.BY калі-небудзь стануць пачаткам кулінарнай кнігі ўспамінаў беларусаў.
Першая ўдзельніца акцыі «Смак часу: сямейныя рэцэпты» Ганна распавяла пра бабулін грыбны суп. Бабуля з дзядулям збіралі баравікі, старанна выбіраючы кожны грыб, а Ганна паспрабавала прыгатаваць яго ў Польшчы.
Жыхарка Барысава Галіна даслала кранальную гісторыю пра бабулін амлет, які спрабавала ў вёсцы Жыцькава: «Бабулін амлет заўсёды быў нечым асаблівым. Кожную раніцу, калі я прыязджала да яе ў вёску Жыцькава Барысаўскага раёну, на кухні лунаў гэты невымоўны водар — цёплы, далікатны, ён нібы абдымаў цябе з парога».
Яшчэ адзін рэцэпт ад бабулі Галіны з Жыцькава — «пастушыны пірог» — беларуская страва, якая мае свае аналагі ў розных краінах.
Барысаўчанка Ганна падзялілася з EX-PRESS.BY рэцэптам тушанай капусты. Па словах жанчыны, гэта класічная страва, якая стане выдатным гарнірам або самастойным пачастункам. Яна спалучае ў сабе лёгкасць прыгатавання і насычаны густ.
Для барысаўчанкі Ніны сярод самых любімых страў — суп крупнік (ці крупеня) і знакамітыя дранікі са смятанай. Менавіта такімі стравамі Ніну частавала бабуля, а зараз яна частуе сваю сям'ю.
 |
 |
Наста ўдзячна сваёй бабулі за веды ў галіне здароўя, за карысныя заняткі спортам і гартаванне, за кампоты і салаты ўлетку, якія гатавалі ў сям’і па чарзе, за кашы на сняданкі. Рэцэпт квяцістай капусты з печывам ад бабулі яна таксама перадасі сваім унукам, а пакуль падзялілася з нашымі чытачамі.
Рэцэптамі моднай сёння, але цалкам звычайнай для яе ежы падзялілася беларуска Жанна. EX-PRESS.BY яна паказала тое, што гатавала яшчэ яе бабуля: гарбузовы суп з сухарыкамі і дранікі з сырам.
Беларуска Ганна даслала рэцэпт запечанай гародніны сваёй бабулі, якая заўсёды казала, што трэба харчавацца здаровай ежай.
Адзін з чытачоў EX-PRESS.BY падзяліўся сваім асаблівым рэцэптам восеньскага яблычнага пірага. Галоўная разынка гэтага пірага — яблыкі націраюцца ў цеста, што робіць яго незвычайна сакавітым і духмяным.
Дзякуем удзельнікам акцыі. Кожны с вас захаваў для будучых пакаленняў успаміны і сямейныя традыцыі і паказаў свету ўнікальнасць беларускай кухні.
Вы не паспелі даслаць рэцэпт? Мы на сувязі: @ex_presslive
Добро пожаловать в реальность!