«Мая бабуля гатавала знакаміты грыбны суп. Калісьці даўно, у адной маленькай вёсачцы на поўдні Беларусі мая прабабуля навучыла яе гэтаму рэцэпту», — напісала EX-PRESS.BY чытачка Ганна для акцыі «Смак часу: сямейныя рэцепты».
Бабуля Ганны распавядала, як яны з дзядулям збіралі баравікі, старанна выбіраючы кожны грыб, каб суп атрымаўся такім, як у дзяцінстве. Яны прыносілі поўныя кошыкі грыбоў дадому, і бабуля пачынала варыць суп на павольным агні, дадаючы хатнюю курыцу і духмяную гародніну — бульбу, цыбулю, моркву.
— Але часы змяняюцца. Лясы цяпер ужо не тыя, што раней, а ў мяне ў горадзе Варшава і зусім няма магчымасці пайсці на «ціхае паляванне» — занадта шмат працы. Няма ў мяне і лясных грыбоў, таму вырашыла рызыкнуць і выкарыстала шампіньёны. Бабуля засмяялася, калі я ёй пра гэта распавяла, — кажа чытачка.
— Вядома, гэта ўжо іншы суп. І, вядома, смак іншы — мяккі, не такі насычаны, як з ляснымі грыбамі. Карацей, гэта не той суп, што гатавалі нашы продкі, але ж галоўнае — ідэя. І яшчэ любоў, з якой ты яго гатуеш. Вось так і атрымалася, што сямейны рэцэпт цяпер жыве ў Польшчы, з шампіньёнамі. Але галоўнае — захаваць душу стравы, якую гатуеш. А яна ўсё роўна беларуская...
Запрашаем жыхароў Барысава, Жодзіна і беларусаў па ўсім свеце падзяліцца сваімі гісторыямі, успамінамі і рэцэптамі. Дасылайце вашыя рэцэпты, фатаграфіі страў і працэсу іх падрыхтоўкі ў наш telegram-бот: @ex_presslive да 16 кастрычніка. Мы гарантуем поўную ананімнасць і бяспеку вашых дадзеных.
Давайце разам захаваем культурную спадчыну Беларусі праз унікальныя сямейныя рэцэпты!
Добро пожаловать в реальность!