Для акцыі «Смак часу. Сямейныя рэцэпты» барысаўчанка Ганна падзялілася з EX-PRESS.BY рэцэптам тушанай капусты. Па словах жанчыны, гэта класічная страва, якая стане выдатным гарнірам або самастойным пачастункам. Яна спалучае ў сабе лёгкасць прыгатавання і насычаны густ.
— Зараз, калі ў мяне застаецца капуста пасля прыгатавання баршчу, я ведаю, што з гэтым зрабіць. Бяру цыбулю, пасірую яе, дадаю цёртую морквачку. Затым капусту, якую я парэзала, прасаліла, адціснула. Пачынаю тушыць, — распавядае Ганна.
Беларуска кажа, што гэты працэс займае крыху часу:
— Гэта хуткі рэцэпт, але трэба ўважліва сачыць за патэльняй, каб капуста не згарэла, бо я парктычна не дадаю вады. Гэты рэцэпт я атрымала ад маіх бабулі і дзядулі. Капусту мы тушылі разам са смажанай бульбачкай. Было дзве патэльні. Як зараз памятаю: адна патэльня з бульбай, нарэзанай саломкай, а другая патэльня — з капустай. Вось такі ўспамін з дзяцінства. Дзякуй бабулі за рэцэпт.
Інгрэдыенты:
белакачанная капуста;
морква;
цыбуля;
алей;
2 ст. л. таматнай пасты (па жаданні);
соль і чорны перац;
лаўровы ліст (1-2 шт.)
зеляніна для падачы (па жаданні).
Прыгатаванне:
1. Падрыхтоўка гародніны: капусту тонка нашаткуйце, моркву натрыце на буйнай тёрцы, а лук нарэжце дробнымі кубікамі.
2. Абсмажце цыбулю і моркву на сярэднім агні да мяккасці (каля 5 хвілін).
3. Выкладзеце капусту да цыбулі і морквы. Змяшайце і тушыце на сярэднім агні каля 5 хвілін, пакуль капуста злёгку не сядзе.
4. Дадайце таматавую пасту, лаўровы ліст, соль і перац. Добра змяшайце. Паменшыце агонь, накрыйце вечкам і тушыце каля 30 хвілін, перыядычна памешваючы. Калі капуста пачне падгараць, дадайце крыху вады.
5. Калі капуста стане мяккай, зніміце з агню, выдаліце лаўровы ліст. Пры падачы можна пасыпаць свежай зелянінай.
Смачна есці!
Даслаць свой сямейны рэцэпт: @ex_presslive
Добро пожаловать в реальность!