Беларуска Ганна вельмі любіць запякаць гародніну і яблыкі (з арэхамі, мёдам і карыцай). Сёння яна падзялілася рэцэптам запечанай гародніны сваёй бабулі, якая заўсёды казала, што трэба харчавацца здаровай ежай.
Інгрэдыенты:
3 сярэднія бульбіны;
1 морква;
1 баклажан;
1 салодкі балгарскі перац;
1 цыбуліна;
2 зубчыкі часныку;
3 ст. л. аліўкавага алею;
соль і чорны перац;
праванскія травы ці іншыя спецыі (размарын, чабор) па жаданні;
зеляніна для падачы (пятрушка, кроп).
— Запечаная гародніна — мой улюблёны рэцэпт. Хаця таксама люблю грыль, але пакуль няма на чым гатаваць, каштую ў рэстарацыях такія стравы. Не ўсе ўмеюць смачна гатаваць яго, — кажа Ганна.
Прыгатаванне:
1. Нарэжце гародніну на буйныя кавалкі. Часнык можна пакінуць цэлымі зубчыкамі ці раздушыць нажом.
2. У вялікай місцы злучыце ўсю нарэзаную гародніну, дадайце аліўкавы алей, соль, перац і праванскія травы. Добра змяшайце, каб кожны кавалачак быў пакрыты алеем і спецыямі.
3. Разагрэйце духоўку да 200°C. Выкладзеце гародніну на бляху, засланую пергаментнай паперай, роўным пластом. Запякайце 30-40 хвілін, перыядычна пераварочвайце.
3. Перад падачай можна пасыпаць свежай зелянінай - пятрушкай, кропам або базілікам.
Беларуска дадае:
— Яна выдатна можа быць як самастойнай стравай, так і гарнірам да мяса ці рыбы.
Смачна есці!
Даслаць свой сямейны рэцэпт: @ex_presslive
Добро пожаловать в реальность!