У Беларусі за дапамогу палітвязням былі затрыманы сотні чалавек. У нядзелю, 4 лютага, ва Уроцлаве адбылася акцыя салідарнасці з палітычнымі вязнямі ў Беларусі.
Неабыякавыя жыхары Ўроцлава выйшлі на цэнтральную вуліцу горада, каб выказаць словы падтрымкі сем'ям палітзняволеных, а таксама звярнуць увагу на рэпрэсіі ў Беларусі, якія не спыняюцца нават пасля 3 гадоў, якія мінулі пасля пратэстаў 2020 года.
Як кажуць арганізатары, асабліва цынічна выглядаюць апошнія затрыманні валантэраў, якія дасылалі палітзняволеным ежу, а часта проста віншавальныя паштоўкі:
— Мы ведаем, што ва ўмовах, калі беларусы ў самой Беларусі пазбаўленыя голасу, кожны голас у вольных краінах мае значэнне, і таму мы будзем выходзіць на акцыі салідарнасці, пакуль усе палітзняволеныя не будуць вольныя.
Важна, што беларусы і беларускі працягваюць збірацца на акцыі падтрымкі.
Удзельнікі акцыі салідарнасці з палітвязнямі ва Ўроцлаве
— Вялізарны дзякуй усім, што далучыліся! Мы будзем працягваць акцыі, таму што гэта голас вольнай Беларусі, голас тых беларусаў, што сядзяць за кратамі, што знаходзяцца ў Беларусі, але не маюць магчымасці выказацца. Жыве Беларусь! — кажуць арганізатары акцыі.
Даслаць сваю навіну: @ex_presslive
Добро пожаловать в реальность!