У каталікоў Вялікі пост пачынаецца ў сераду — сёлета 14 лютага. Калі ў Беларусі за тыдзень да паста прынята бліны пячы, то ў палякаў — аб'ядацца пончыкамі.
8 лютага па ўсёй краіне прайшоў тлусты чацвер (Tłusty czwartek), і гэта апошні чацвер, калі можна есці няпостную ежу. У гэты дзень каталікі сабе дазваляюць паддацца граху абжорства.
Традыцыйна ў Тлусты чацвер пякуць пончыкі — цяпер яны, у асноўным, з салодкім начыннем, а раней туды маглі дадаваць мяса і сала. Лічыцца, што таго, хто з'есць хаця б адзін пончык, чакае поспех.
Апошні чацвер перад Вялікім пастом у каталікоў пончыкі прадаюць ва ўсіх крамах, пякуць дома, прыносяць ласунак у школы, раздаюць бясплатна на працы. Напрыклад, у краме «Ашан» вернуць усе грошы за пакаванне пончыкаў на карту «Скарбонка».
У Заходняй Еўропе тлусты чацвер — адзін з яркіх дзён Карнавалу — перыяду ад свята Трох каралёў да Вялікага посту. Гэта перыяд, калі вернікам дазваляецца есці тлустае і ўжываць алкаголь. Галоўныя стравы ў гэты дзень — пончыкі і галлё.
Чакаецца, што сярэднестатыстычны жыхар Польшчы з'есць каля трох пончыкаў. Хаця ў некаторых рэсурсах можна сустрэць інфармацыю, што трэба для поўнага шчасця з'есці мінімум пяць.
Некаторыя палякі лічаць, што ў гэты дзень каларыйнасць у пончыкаў адсутнічае.
Даслаць сваю навіну: @ex_presslive
Добро пожаловать в реальность!