TuTak

«Першы час называў нашага дыктатара Шалушэску». Як беларуска Валянціна сустрэла каханне ў «Ціндары»

«Грамадства ўбіла ў нашы галовы, што пасля 50 — ты ўжо бабка. А гэта не так!» — кажа яна.

TuTak ex-press.by
0

Прыкладанне для знаёмстваў Tinder спыніць працу ў Беларусі. Сэрвіс перастане працаваць адразу пасля Дня святога Валянціна, 15 лютага. Але ёсць беларусы, у лёсе якіх гэтае прыкладанне сыграла важную ролю. Чытачка EX-PRESS.BY сустрэла там мужа-італьянца, які лічыць, што ў 50 гадоў жанчына — кветка.

Валянціна жыла ў Беларусі, працавала ў сацыяльнай сферы, расціла дачку і сына. Але адносіны з мужам пасля больш за 30 год сышлі да нуля, дзеці выраслі, надышоў час пенсіі, і жанчына вырашыла змяніць свае жыццё...

«Зарэгістравалася ў «Ціндары», было няёмка, сорамна»

— Мы з мужам усё сказалі адзін аднаму і ціха-мірна маўчалі ў розных кутках кватэры. Я ведала, што так не хачу і вырашыла шукаць іншыя адносіны.

Спачатку Валянціна паспрабавала пазнаёміцца з суайчыннікам.

— На мой досвед, беларускія мужчыны нашага веку — гэта цяжкі выпадак. У Беларусі мне неяк патрапіўся былы ваенны і былы мент. Жах! Абодва Напалеоны толькі таму, што яны мужыкі. Нармальных, з кім можна было б сустрэцца, мне не патрапіла. Таму — еўрапеец...

Валянціна распавядае:

— Чаму я вырашыла шукаць менавіта еўрапейца? А таму, што ў іх іншае стаўленне да жанчыны, павага і няма абмежаванняў асабістай прасторы, раўназначнае партнёрства. Ды і выглядаюць яны больш бадзёра за нашых.

Tin4 %e2%80%94 %d0%ba%d0%be%d0%bf%d0%b8%d1%8f

Турын — важны дзелавы і культурны цэнтр паўночнай Італіі. Фота з архіву гераіні.

Гэта Валянціна ведала таму, што ў яе ёсць добрая сяброўка ў Італіі, да якой яна некалькі год ездзіла ў госці. Менавіта сяброўка і падштурхнула Валянціну зарэгістравацца ў «Ціндары».

— Было вельмі няёмка, сорамна. Я напісала свой рэальны ўзрост і не вельмі спадзявалася на поспех.

Але неяк так сышліся зоркі, што ўсё супала з адным мужчынам, яго завуць Франко. Яны дамовіліся аб сустрэчы.

— У рэальнасці ён быў больш прывабным, чым, на фота, і побач з ім было ўтульна. Мы сустракаліся некалькі разоў да майго ад’езду. Франко пазнаёміў мяне з сябрамі, потым мы перапісваліся, і калі я прыязджала да сяброўкі, сустракаліся.

«Называў нашага дыктатара Шалушэску»

Праз два гады пасля знаёмства Валянціны і Франко здарылася пандэмія... Яны ў той час перапісваліся. А ў 2020 годзе, пасля выбараў, у час пратэстаў, Франко падтрымліваў Беларусь.

Tin2 %e2%80%94 %d0%ba%d0%be%d0%bf%d0%b8%d1%8f

Тут адбываецца сустрэча беларусаў. Фота з архіву гераіні.

— Гэта было вельмі кранальна для мяне. Пра Беларусь ён добра ведае, першы час называў нашага дыктатара Шалушэску. Вельмі перажываў за Марыю Калеснікаву. І зараз пытаецца ў мяне, ці вядома што пра яе... Калі мяне судзілі, Франка пералічыў мне грошы на адваката.

Пасля пратэстаў Валянціна апынулася ў Еўропе. Тут Франко і прапанаваў ёй грамадзянскі шлюб. Зараз яны падалі дакументы і чакаюць: брак у Італіі гэта працэс вельмі няпросты і доўгі.

— Адзін сябра Франко ў гэтым месяцы бярэ шлюб з украінкай. Яшчэ адзін сябра жанаты на жанчыне з Эфіопіі — вельмі добрай і мілай, гадуюць сына.

«Не вельмі спадабалася беларуская кухня»

Франко працуе ў транспартнай кампаніі, Валянціна даглядае і вучыць дзяцей у рускамоўных сем’ях. Яны жывуць у яго кватэры.

Харчаванне яны купляюць разам, раз на два тыдні, часта — за яе грошы. Яшчэ Валянціна прыбірае ў кватэры, і пральная машына — яе праца.

Tin3 %e2%80%94 %d0%ba%d0%be%d0%bf%d0%b8%d1%8f

Паста фаджолі — па нашаму макароны з фасоляю. Фота з архіву гераіні.

— Франко гатуе ежу, бо яго не вельмі зацікавала беларуская кухня. Толькі дранікі яму падабаюцца. А мне — абы не гатаваць. Яшчэ мне падабаецца, што ён робіць запасы. Да сустрэчы з ім я, напрыклад, ведала толькі макароны і спагеці, а аказваецца, гэта паста, і для кожнай формы ёсць свая назва. А якое смачнае цірамісу ён гатуе! А яшчэ л’е каньяк у стравы, а я за сэрца хапаюся, бо нам нязвыкла. Нам лепей выпіць.

Tin1 %e2%80%94 %d0%ba%d0%be%d0%bf%d0%b8%d1%8f

Франко гатуе цірамісу. Фота з архіву гераіні.

Неяк Валянціна прыгатавала піцу, і не пашкадавала ні сыру, ні вяндліны, ні спецый. Франко сказаў, што зашмат для піцы.

— Дык гэта беларуская смажанка, — адказала Валянціна.

Аднойчы да Валянціны прыязджала сяброўка і прыгатавала расольнік (з салёных агуркоў, з пярловымі крупамі — усё, як мае быць). Франко пакаштаваў, падзякаваў, але ў наступны раз адліў сабе асобна і дадаў туды... макаронаў.

Tin5 %e2%80%94 %d0%ba%d0%be%d0%bf%d0%b8%d1%8f

Валянціна любіць халаднік, але Франко не есць буракі са смятанай. Фота з архіву гераіні.

— Мы з Франко любім прагулкі, сустрэчы з сябрамі як з італьянцамі, так і з беларусамі. Размаўляем мы на ангельскай, але ў італьянскай шмат зразумелых слоў, таму — мікс. І перакладчык дапамагае, — кажа Валянціна.

Часта яны разам глядзяць фільмы. Яна — на пірацкіх сайтах, а ён — па тэлебачанню.

— То бок — у мяне з камп’ютара ў навушніках на маёй мове, у яго па-італьянску. Так і мова вучыцца патроху. А па-беларуску Франка нічога не ведае, але вымаўляе добра, паўтараючы за мной. Асабліва добра атрымліваюцца нашы словы з «дж», «дз», «ч», шмат беларускіх слоў прамаўляе без акцэнту...

«Муж лічыць, што ў 50 жанчына — кветка»

Валянціна кажа, што ёй вельмі шкада, што «Ціндар» сыходзіць з Беларусі:

Tin6 %e2%80%94 %d0%ba%d0%be%d0%bf%d0%b8%d1%8f

Кветкі, якія Валянціна вырошчвае на сваім падаконніку. Фота з архіву гераіні.

— Мае знаёмыя жанчыны, якія ў Беларусі, недаацэньваюць сябе. Грамадства ўбіла ў нашы галовы, што пасля 50 — ты ўжо бабка. А гэта не так!

Мой Франко, напрыклад, лічыць, што ў такім узросце жанчына — кветка. Але, на жаль, у нашых жанчын погляд без агеньчыка, вочкі долу, і нічога ўжо не трэба. А жыццё толькі пачынаецца пасля 50-ці.

Вельмі хачу параіць нашым жанчынам не баяцца змяніць свае погляды і адносіны да ўзросту. Жыццё адно, а лічбы — гэта толькі лічбы.

Хочаце даслаць сваю гісторыю: @ex_presslive

EX-PRESS.BY, фота з архiва гераiнi
Подпишитесь на канал ex-press.live в Telegram и будьте в курсе самых актуальных событий Борисова, Жодино, страны и мира.
Добро пожаловать в реальность!
Темы:
вымушаная эмiграцыя
Італія
ціндар
каханне
шлюб
Если вы заметили ошибку в тексте новости, пожалуйста, выделите её и нажмите Ctrl+Enter
ПОСЛЕДНИЕ НОВОСТИ
Новости Борисова
В Борисовском районе собирают ранние боровики. Фотофакт
Новости Борисова
Житель Борисова выбросил бутылку от спиртного в окно и разбил авто
Общество
На госТВ показали, как силовики изымают квартиры уехавших из страны беларусов
Общество
Влад Грамович: «Выживают те, кто сменил фокус на собственные ощущения и желания»
Общество
Задержали хирурга Елену Терешкову
Политика
После гибели президента Ирана пропаганда в Беларуси и России обвиняет всех подряд
В мире
Ученые рассказали о «переломном моменте» в лечении рака груди
Политика
Лукашенко потребовал искоренить «скрытое мышкование типа крышевания»
Общество
«Мою жизнь просто переехали катком». После задержания мужа беларуска потеряла работу, а чтобы оплачивать адвоката, продала имущество
Общество
На Октябрьской площади в Минске убрали старую плитку и рассказали, чем ее заменят
ВСЕ НОВОСТИ
ПОСЛЕДНИЕ НОВОСТИ
Новости Борисова
В Борисовском районе собирают ранние боровики. Фотофакт
Новости Борисова
Житель Борисова выбросил бутылку от спиртного в окно и разбил авто
Общество
На госТВ показали, как силовики изымают квартиры уехавших из страны беларусов
Общество
Влад Грамович: «Выживают те, кто сменил фокус на собственные ощущения и желания»
Общество
Задержали хирурга Елену Терешкову
Политика
После гибели президента Ирана пропаганда в Беларуси и России обвиняет всех подряд
В мире
Ученые рассказали о «переломном моменте» в лечении рака груди
Политика
Лукашенко потребовал искоренить «скрытое мышкование типа крышевания»
Общество
«Мою жизнь просто переехали катком». После задержания мужа беларуска потеряла работу, а чтобы оплачивать адвоката, продала имущество
Общество
На Октябрьской площади в Минске убрали старую плитку и рассказали, чем ее заменят
ВСЕ НОВОСТИ