«Спяваць гімн ад душы, а не пад націскам, апранацца ў бела-чырвоныя адзенні і ісці са сцягамі праз увесь горад», — беларуска марыць адзначыць Дзень незалежнасці ад рэжыму ў свабоднай Беларусі.
Гэтыя радкі разам са здымкамі беларуска Воля адправіла EX-PRESS.BY. Дзяўчына верыць, што ў яе роднай краіне, гэтак жа, як і ў Польшчы, надыдзе такі дзень.
Нацыянальнае свята незалежнасці Польшчы (польск. Narodowe Święto niepodległości) адзначаецца 11 лістапада ў памяць здабыцця незалежнасці Польскім царствам (1815-1918) у 1918 годзе, пасля 123 гадоў, якія прайшлі з моманту трэцяга падзелу Рэчы Паспалітай.
Свята было ўстаноўлена законам ад 23 красавіка 1937 года, адменена законам Краёвай Рады Народавай ад 22 ліпеня 1945 года, было адноўлена ў перыяд сістэмнай трансфармацыі ў Польшчы ў 1989 годзе.
Гэта агульнадзяржаўны выходны дзень, які суправаджаецца ўзняццем сцягоў па ўсёй краіне, святкаваннямі, канцэртамі, маршамі і парадамі.
Паліцыя перакрывае вуліцы, дзеці з радасцю спяваюць песні і гімн у школах і на плошчах, шчаслівыя і вольныя палякі і полькі святкуюць 11 лістапада.
— Дзеці ў школе і на плошчах спяваюць патрыятычныя песні, раніцай праходзяць парады, напрыклад, у нашым горадзе быў парад Радасці, а ўвечары — марш нацыяналістаў без стральбы, — распавяла беларуска. — Мітынгі дазволеныя, паліцыя перакрывае горад, трамваі і аўтобусы аб'язджаюць месца дзеяння. Такога адзінства я не бачыла ўжо 3 гады, паток людзей зліваецца ў адно цэлае. Для палякаў гэта сапраўды вельмі важная дата, і яны адзначаюць яе, ганарацца сваёй гісторыяй і сваёй нацыяй. Я веру, што такое абавязкова з'явіцца і ў маёй краіне.
Хочаце падзяліцца меркаваннем? Пiшыце: @ex_presslive.
Добро пожаловать в реальность!