8 сакавіка, у Міжнародны дзень правоў жанчын, ва Уроцлаве прайшла акцыя памяці згвалтаванай і забітай беларускай дзяўчыны Лізы, якая памерла ў варшаўскім шпіталі.
Сотні неабыякавых жыхароў Уроцлава прынеслі знічы, каб ушанаваць памяць ахвяры гвалту і абыякавасці. Словы жалобы і памяці Лізы гучалі на польскай, украінскай і беларускай мовах.
Гэтая бяда сабрала ў цэнтры горада і аб'яднала не толькі розныя народы, але і прадстаўнікоў розных гендэраў, палітычных партый і грамадскіх арганізацый, якія не маглі застацца абыякавымі ў гэты дзень.
— Мы ўсе неабыякавыя да чужога гора і прыйшлі аддаць належнае Лізе і іншым ахвярам сэксуальнага гвалту. Людзі будуць заставацца людзьмі толькі тады, калі ўвага да іншых людзей, салідарнасць і ўзаемадапамога будуць для нас не проста словамі. Не праходзьце міма, калі вам здаецца штосьці падазроным — усё роўна, у якім стане знаходзіцца чалавек! Наша ўвага адзін да аднаго можа выратаваць жыццё, — казалі жанчыны і мужчыны.
— Толькі разам мы зможам супрацьстаяць гвалту, калі будзем гаварыць аб гэтым і шанаваць адзін аднаго, незалежна ад узросту, пола і часу сутак.
Нагадаем, мітынг памяці беларускі Лізы адбыўся 6 сакавіка ў Варшаве.
Падзяліцца меркаваннем: @ex_presslive
Добро пожаловать в реальность!