Суполка беларусаў Уроцлава аб’явіла аб адкрыцці шэлтара для палітычных зняволеных і іх сем'яў, якія ўцяклі ад пераследу ў Беларусі. Праект шукае валанцёраў і спонсараў.
Шэлтар створаны і аплочваецца ініцыятывай By_help. Рэгіянальным партнёрам па рэалізацыі працы шэлтара з'яўляецца БАП (Беларуская асацыяцыя палітычных вязняў) «Да Волі» і Суполка Беларусаў Уроцлава, якая забяспечвае фінансавую празрыстасць збору і дапамогу ў рэалізацыі.
Шэлтар размешчаны ў горадзе Уроцлаў і носіць назву «Уроцлаў-сіці».
«Уроцлаў-сіці» — гэта месца, дзе беларусы, вызваленыя з турмаў, могуць знайсці начлег, абарону і падтрымку ў першы час пасля пераезду.
Сябры беларускай суполкі дадаюць:
— Нам патрэбна ваша дапамога. Мы шукаем валанцёраў, спонсараў і прадстаўнікоў СМІ, якія гатовы падтрымаць нашу справу і дапамагчы тым, хто мае патрэбу. Мы запрашаем вас стаць часткай нашай каманды.
Хто трэба ў праект
Валанцёры
Калі ў вас ёсць жаданне дзяліцца сваім часам і навыкамі, дапамагаючы тым, хто знаходзіцца ў цяжкай сітуацыі, запоўніце апытанку для валанцёраў: https://forms.gle/LZ4tnVP7hVQAkFbVA
Спонсары
Праекту патрэба спонсарская падтрымка. Фінансавая падтрымка дазволіць забяспечваць асноўныя патрэбнасці ўцекачоў (харчаванне, аплаты рахункаў за харчаванне ў школах і г.д.).
Можаце перавесці сродкі на асобны рахунак:
13109024990000000157073043
STOWARZYSZENIE BIAŁORUSKI ZWIĄZEK SOLIDARNOŚCI
У прызначэнні (tytuł przelewu) зазначыць: «Darowizna na cele statutowe».
Бізнес
У вашых сілах дапамагчы людзям, якія прыехалі, даць працоўнае месца, каб чалавек мог самастойна забяспечваць свае патрэбы. Запоўніце, калі ласка, гэтую форму: https://forms.gle/Y6CZoMaEYdVHZxZ46
Даслаць сваю навіну: @ex_presslive
Добро пожаловать в реальность!