У панядзелак, 25 сакавіка, Плошча Свабоды ва Уроцлаве сабрала шмат беларусаў, якія прайшлі маршам праз цэнтральную вуліцу горада. Як гэта было, глядзіце ў рэпартажы EX-PRESS.BY.
Дзень Волі, які святкуецца 25 сакавіка, — значны дзень у жыцці многіх беларусаў. Менавіта ў гэты дзень была абвешчана незалежнасць нашай першай нацыянальнай дзяржавы — Беларускай Народнай Рэспублікі, а дзяржаўнымі сімваламі сталі бел-чырвона-белы сцяг і герб Пагоня.
Мінула 106 год: змяняліся рэжымы і абрысы краін, змяніўся ўклад жыцця простых людзей, а беларусы да гэтай пары працягваюць змагацца за сваю незалежнасць і свабоду.
Сёння за кратамі па палітычных матывах знаходзіцца больш за 1600 чалавек. Сярод іх — журналіст і актывіст Саюза палякаў Беларусі Анджэй Пачобут, які незаконна ўтрымліваецца ў турме трэці год.
@expressby У панядзелак, 25 сакавіка, Плошча Свабоды ва Уроцлаве сабрала шмат беларусаў, якія прайшлі маршам праз цэнтральную вуліцу горада. Як гэта было, глядзіце ў рэпартажы EX-PRESS.BY. #expressby #видеоновости #беларусывпольше #дзеньволі ♬ оригинальный звук - EX-PRESS.LIVE
У Дзень Волі беларусы Уроцлава прайшлі маршам па вуліцах Уроцлава, каб нагадаць свету і самім сабе пра базавыя каштоўнасці існавання любой краіны: Свабоду, Незалежнасць і Каштоўнасць чалавечага жыцця.
Да шэсця далучыліся жыхары такіх гарадоў, як Менск, Барысаў, Жодзіна, Віцебск, Гродна, Смаргонь, Баранавічы, Ігумен, Чэрвень, Жлобін, Мозыр, Пінск, Бараўляны, Наваполацк, Дзяржынск, Копішча і іншыя.
Важныя словы гучалі са сцэны, калі марш скончыўся. Так, беларусаў заклікалі шанаваць і выкарыстоўваць штодзень родную мову, берагчы яе і захоўваць для нашчадкаў. Таксама дзяцей запрашалі ў беларускую школу ва Уроцлаве, анансавалі адкрыццё першага беларускамоўнага садка ў горадзе.
Акцэнтавалі ўвагу на тым, што разам мы — моц. Тыя, каму трэба дапамога, могуць звярнуцца да Суполкі беларусаў ва Уроцлаве, а таксама тыя, хто гатовыя ахвяраваць свой час і грошы, могуць падтрымаць cуполку і шэлтар.
Даслаць сваю навіну: @ex_presslive
Добро пожаловать в реальность!