Пасля прэм'еры ў Музеі Вольнай Беларусі тэатр беларускіх эмігрантаў «Купалінка» зноў пакажа сваю пастаноўку па кнізе Алены Масла «Шукай святла — і святло не пакіне цябе!» Другі паказ спектакля-фэста «Віка, Хросная і Калядныя цуды» адбудзецца 19 студзеня ў Беларускім доме ў Варшаве.
Спектакль-фэст «Віка, Хросная і Калядныя цуды» — з гульнямі, спевамі і батлейкай — быў феерычна прадстаўлены з удзелам усіх груп тэатра ў Музеі Вольнай Беларусі ў Варшаве. Яны разам з гасцямі стварылі ўнікальную атмасферу і адсвяткавалі Каляды.
Свята адбылося з выбітным выкананнем калядак на трох мовах — беларускай, польскай і ўкраінскай — ад педагога Машы Пятровіч, рэстаўрацыяй батлейкі XIX стагоддзя ад Маляваныча (Аляксандра Ждановіча), а таксама ўдзелам калядоўнікаў і нават казой.
Тэатр «Купалінка» перадаў дух гэтага цудоўнага свята. Рэжысёрка Наталья Локіць стварыла незабыўнае шоу з артыстамі ад 4 да 40 гадоў.
Другі паказ спектакля-фэста «Віка, Хросная і Калядныя цуды» адбудзецца 19 студзеня ў Беларускім доме ў Варшаве. Гэта будзе не толькі магчымасць яшчэ раз акунуцца ў святочную атмасферу, але і шанс атрымаць асалоду ад смачных блінцоў, аладкаў, гульняў і танцаў!
Тэатр «Купалінка» запрашае ўсіх — не прапусціце гэты незабыўны вечар!
19 студзеня, Беларускі дом, Варшава.
Даслаць навіну: @ex_presslive
Добро пожаловать в реальность!