У Вільні адбыўся паказ спектакля-казкі «Чортава дачка» — атмасфернай пастаноўкі на беларускай мове, якая аб’яднала фальклорныя матывы і разважанні пра жыццёвы выбар.
Пастаноўка прайшла на пляцоўцы Vileišio18N і прапанавала гледачам пагрузіцца ў свет беларускай міфалогіі, дзе побач з чалавекам існуюць Нячысцікі — істоты, што ўплываюць на яго рашэнні і лёс.
У цэнтры гісторыі — герой Альгерд, які, як і кожны чалавек, сутыкаецца з неабходнасцю выбару. Спектакль даследуе, як рашэнні, прынятыя ў крытычныя моманты, вызначаюць далейшы шлях і наступствы, з якімі даводзіцца жыць.
Аўтарам і рэжысёрам пастаноўкі выступіў Сяргей Здаранкоў. Візуальную частку стварыла мастачка-пастаноўшчыца Алена Алешка, за пластыку адказваў Mikita Біндэрс, а музычнае афармленне належыць Leś Nakanavany.
У спектаклі заняты: Зміцер Рачкоўскі, Марына Здаранкова, Сяржук Тоўсцікаў, Наста Ушакова, Алег Мяцеліца.
Усе ўдзельнікі — прафесійныя акцеры з досведам сцэнічнай працы. Для многіх з іх гэта ўжо не першы тэатральны праект у эміграцыі, і «Чортава дачка» стала працягам іх творчай дзейнасці за межамі Беларусі. Ёсць у гэтай тэатральнай трупы беларусаў і прыхільнікі ня толькі сярод беларусаў. Поўны зал глядачоў, авацыі — гэта і ёсць удзячнасць і беларусаў і вельмі дасведчаных глядачоў-літоўцаў.
Спектакль яшчэ раз пацвердзіў, што беларускі тэатр працягвае развівацца і знаходзіць свайго гледача, за межамі краіны, у эміграцыі.
Хочаце даслаць сваю навіну? Мы на сувязі: @ex_presslive
Добро пожаловать в реальность!