Тэатр «Купалінка» разам з рэжысёрам Наталлей Локіць, якая пераехала з Жодзіна ў Варшаву ў маі 2022 года, ужо падарыў гледачам шэраг цудоўных пастановак. На тэатральных падмостках варшаўскага Мазавецкага інстытута культуры тэатр завяршыў свой чацвёрты сезон паказам адразу трох паўнавартасных спектакляў, у якіх прынялі ўдзел акторы-эмігранты: дзеці і дарослыя, беларусы і ўкраінцы. Тры новых п'есы напісаныя сучаснымі беларускімі аўтарамі.
«Сляза Волата» — кранальная філасофія
Першай прэмʼерай стала пастаноўка паводле пʼесы Сяргея Кавалёва «Сляза волата». Напісаная ў 2020 годзе, філасофская драма даследуе канцэпцыю радасці і смутку, чалавечых эмоцый і важнасці самааддачы для дасягнення шчасця. Выкананая глыбокіх перажыванняў і шчырых эмоцый. Гэтая пʼеса знайшла водгук у гледачоў, прымусіўшы задумацца аб шматлікіх аспектах жыцця. Музыку да спектаклю напісаў Піт Паўлаў, а ўнікальныя мультымедыйныя дэкарацыі стварыла Святлана Баева.
«Кветкі пад дажджом»: метафара пра дзяцей-эмігрантаў
Пʼеса «Кветкі пад дажджом» Ігара Сідарука — метафарычная гісторыя аб кветках, перасаджаных на новае месца, прысвечана дзецям, змушаным адаптавацца да новых умоў жыцця.
Спектакль заснаваны на рэальных перажываннях дзяцей ва ўзросце 9-12 гадоў, што надае яму асаблівую шчырасць і глыбіню. Гісторыі, расказаныя юнымі акторамі, кранулі сэрцы гледачоў і нагадалі аб важнасці падтрымкі і разуменні ў цяжкія моманты.
@expressby Глядзіце, як эмацыйна Зянон Пазняк глядзеў і здымаў тры спектакля варшаўскага тэатра беларускіх эмігрантаў «Купалінка». Матэрыал пра прэм'еру чытайце на EX-PRESS.LIVE. #зянонпазняк #беларусывпольше #беларусывваршаве #тэатр #expressby ♬ оригинальный звук - EX-PRESS.LIVE
«Мой Шлях» — драма, поўная веры
Трэці спектакль вечара, пастаўлены сумесна з Марынай Якубовіч пры падтрымцы Фонду «Ашока», уяўляе сабой дакументальную драму аб эміграцыі. Пастаноўка расказвае гісторыі эмігрантаў, якія сутыкнуліся з цяжкасцямі адаптацыі ў новай краіне.
Спектакль задзейнічаў актораў розных узростаў, у тым ліку падлеткаў і дарослых, сярод якіх Паліна Нітчанка і сама Наталля Локіць. Іх гісторыі таксама ляглі ў аснову пʼесы.
Цікава што пʼеса «Мой Шлях» знайшла водгук не толькі ў беларускай, але і ў польскай аўдыторыі. Перш чым паказаць яе беларусам, пастаноўку паказалі ў некалькіх польскіх ліцэях.
Наперадзе — «Купалле» на беразе Віслы і тэатральныя летнікі
Тэатр-студыя «Купалінка» не збіраецца спыняцца пасля прэмʼер. Наперадзе іх чакае падрыхтоўка да «Купаллz», якое пройдзе 22 чэрвеня. Беларусаў Варшавы зноў запрашаюць сустрэцца на беразе Віслы і разам пражыць самую кароткую, поўную светлых таямніцаў ночку году. Спяваць песні, танчыць абрадавыя танцы пад апекай найлепшых профі, шукаць папараць-кветку і новых сяброў. А яшчэ плесці вянкі і пускаць іх па рацэ, каб панесла яна мары і надзеі беларусаў, і каб яны чароўным чынам хутка споўніліся!
Таксама ў «Купалінкі» гэтым летам зноў адбудуцца бясплатныя тэатральныя летнікі для беларускіх дзяцей.
Падзяліцца меркаваннем: @ex_presslive
Добро пожаловать в реальность!