Вялікае свята на беразе Віслы ў Польшчы арганізаваў тэатр-студыя беларускіх эмігрантаў «Купалінка». Кожны, хто тут пабываў, адчуў, якая цудоўная наша Беларусь. Мноства актыўнасцяў з нацыянальным каларытам — карагоды, гульні, шмат песень і танцаў — быццам бы вярталі удзельнікаў свята ў сваю краіну.
Купальская ноч для жыхароў Рэчы Паспалітай — гэта сапраўды свята. Масавыя народныя гулянні, канцэрты этнічных калектываў, традыцыйныя ігрышчы, купанне і скачкі праз вогнішча з кожным годам знаходзяць усё больш і больш прыхільнікаў. Дарэчы, у Літве і Латвіі гэты дзень з'яўляецца афіцыйным выходным, а ў Фінляндыі — адным з галоўных дзяржаўных свят.
Таксама і ў Польшчы гэта свята шануюць і святкуюць з размахам. Нажаль у Беларусі свята Купалле апошнія гады пад забаронай. А калі і праводзіцца, то пад абавязковым наглядам міліцыі і ідэалагічных аддзелаў.
Але для беларусаў ў эміграціі свята Купалля застаецца святам, якое патрабуе вольнасці, творчасці і свежага паветра. Таму тэатр беларускіх эмігрантаў «Купалінка» ужо другі раз у Варшаве арганізаваў вялікае свята на беразе Віслы.
Шмат жадаючых сабраў вольны мікрафон. Беларусы спявалі купальскія песні, песні пратэсту і свае. Некаторыя аматары змаглі нават займець сваіх фанаў.
Тэатр «Купалінка» ўдзячны ўсім, хто прыняў удзел у свяце — і сваім гасцям, і сваім акцёрам і акторкам. А таксама тым беларусам, якія разам бралі ўдзел у арганізацыі прыгожага, вясёлага, магічнага дзейства.
«Купалінка» кажа дзякуй камандзе шхуны Dar Mazowsza Rok Rzeki Wisły на чале з капітанам @Robert Jankowski і асабіста Aleh Haurylau.
«Купалінка» удзячна партнёрам — Цэнтру Беларускай Салідарнасці, а таксама усім гасцям:
— Сябры, дзякуй за свята і гэтую ноч! За ўменне быць разам, весяліцца і не замінаць іншым, за бліскучую самаарганізацыю і крэатыўнасьць!
Хочаце расказаць сваю гiсторыю? Пiшыце: @ex_presslive.
Добро пожаловать в реальность!