У самым цэнтры Варшавы адбыўся Вялікі арт-маркет беларускіх рамеснікаў. На кірмашы прадавалі хэнд-мэйд ад майстроў, якія зараз жывуць і працуюць у Польшчы.
Арт-маркеты беларусаў у Польшчы сталі традыцыяй, яны адбываюцца ў розных лакацыях кожны месяц амаль два гады. Летні сезон клуб пачаў на новым месцы і запрасіў гасцей, каб вырабы ад беларускіх майстроў знайшлі сабе гаспадароў.
Цэлы дзень у дворыку кавярні Kult Kawy на вуліцы Chmielna, 30 майстры прадавалі свае вырабы.
Ва ўтульным дворыку можна была пазнаёміцца з творчасцю 30 таленавітых майстроў, выбраць вырабы ручной працы, а таксама выпіць кубачак смачнай кавы.
Арганізатар Арт-маркету — Craft Hand Lab — клуб рамеснікаў і крэатыўных людзей з Беларусі ў Польшчы.
Многія майстры стварылі свае майстэрні, развівалі сваю творчасць у Беларусі. А некаторыя ажыццявілі свае планы толькі ў Польшчы.
Мы паглядзелі, што прадавалася на Вялікiм беларускiм арт-маркеце ў Варшаве.
Натуральны дэкор для памяшканняў і вуліцы, вянкі і габелены з расліннага матэрыялу. А таксама лялькі, якія мяняюць жыццё.
Гэтую ляльку больш за усіх шануюць пакупнікі-палякі, яна ўвасабляе багацце і ўрадлівасць.
На кожнай беларускай выставе майстроў прадаюцца вырабы, якія могуць стаць талісманам ці ўпрыгожаннем для беларусак.
Цікавая, працаемкая кропкавая тэхніка малявання. У кожны выраб з натуральнага дрэва ўкладзена часцінка беларускай душы. Бок, на якім нанесены малюнак, можа выкарыстоўвацца для падачы страў. Другi, без малюнка, — для нарэзкі прадуктаў.
Пасціла — смачны і карысны перакус для дзяцей і дарослых. 100% натуральны, без цукру і кансервантаў. Усяго ў вытворцаў з Беларусі 19 відаў самай рознай пасцілы.
Вырабы з натуральных раслін і з палімернай гліны таксама падабаюцца дзецям і дарослым.
Кошыкі, якія нагадваюць саламяныя, насамрэч зроблены са спецыяльнай газетнай паперы. Яны экалагічныя, у іх можна захоўваць бытавыя рэчы і харчовыя прадукты.
Мясныя прысмакі па старажытных беларускіх рацэптах вырабляюць у Польшчы ўжо два гады. Кожны на кірмашы мог іх паспрабаваць і абраць на свой густ.
Творы мастацтва з пацерак — і карціны, і сумкі, і ўпрыгожванні.
Надзеўшы адзін раз такія тэпцікі, больш ніколі не купіце іншыя: яны не толькі прыгожыя, але таксама вельмі зручныя і практычныя.
Авоська папулярная, таму што выглядае стыльна, незвычайна, падыходзіць пад любы ўбор. Майстрыха вяжа авоські з розных матэрыялаў — гэта джут, баваўняны шнур, але больш за ўсё любiць трывалы поліэфірны шнур, якому няма зносу.
Касметыка, створаная беларускімі майстрамі — з асаблівымі пахамі і якасцямі.
Сродкі па доглядзе за целам беларусы ствараюць нават па індывідуальных запытах, з улікам усіх пажаданняў.
Тонкае вязанне ніткай-павуцінкай — не толькі для зімы. Стыльныя беларускія і польскія паненкі купляюць такія вырабы ў любую пару года.
Беларускія кветкі з фаамірана добра выглядаюць ва ўпрыгожваннях — каралях, вянках, завушніцах.
Такія свечкі зроблены з дапамогай аўтарскіх форм, вырабленых у Беларусі, таму аналагаў ім у Польшчы няма. Бомбачкі для ваннаў і мыла-скрабы таксама ўнікальнай рэцэптуры.
Упрыгожванні майстры робяць з розных матэрыялаў, натхняючыся Беларуссю, прыродай, укладваючы ў iх сваю душу.
Неверагоднай якасці кераміка і модныя вырабы з лёну з прынтамі, надрукаванымі раслінамі.
Дзіўнай пяшчоты вырабы можна набыць на беларускіх арт-маркетах.
Гэта далёка не ўсё, што мы ўбачылі на Вялікім Арт-маркеце. Але зрабілі высновы: творы беларусаў — унікальныя, прасякнутыя любоўю да Радзімы-Беларусі. На кожным кірмашы іх становіцца ўсё больш. Як і пакупнікоў, якія прыходзяць за эксклюзіўнымі пакупкамі.
Набыць гэтыя вырабы можна не толькі на такіх кірмашах. Кожны з майстроў мае свае сацыяльныя сеткі, а аб'ядноўвае іх арганізатар Арт-маркету — Craft Hand Lab.
Сацсеткі клубу:
ПОБАЧ 🔴 ПАДЗЕІ І ЛЮДЗІ (https://t.me/pobach_event)
Інтэрнэт-крама (https://crafthandlab.com)
Insta (https://www.instagram.com/crafthandlab)
FB (https://www.facebook.com/crafthandlab)
TG (https://t.me/crafthandlab_news)
YouTube (https://www.youtube.com/@CraftHandLab)
