EX-PRESS.LIVE уласнымі вачыма ўбачыў, наколькі вялікі інтарэс выклікае беларуская незалежная літаратура — і ў беларусаў, якія зараз жывуць у Польшчы, і ў палякаў, і ў жыхароў іншых краін.
Беларус Аляксандр, якога мы сустрэлі на кірмашы, распавядае:
— Я быў на кніжным кірмашы ўсе дні, абышоў мноства стэндаў, убачыў, як трапятліва ставяцца палякі да кнігі. Якія чэргі стаялі за кнігамі, на сустрэчы з аўтарамі, па аўтографы! І гэта пры тым, што тут вялізная колькасць кнігарняў і публічных бібліятэк!
Яшчэ адна наведвальніца — беларуска Вераніка — падзялілася ўражаннямі з EX-PRESS.LIVE:
— Я думала забегчы на некалькі хвілін, купіць адну кніжку дзецям. Але завісла на некалькі гадзін. Купіла кнігі сабе, маме і дзецям.
Беларус Міхаіл расказаў, што хацеў сабраць максімальную колькасць кніг з аўтографамі, для гэтага хадзіў амаль на ўсе сустрэчы з пісьменнікамі.
Тут адбыліся сустрэчы з выбітнымі беларускімі аўтарамі, такімі як Уладзімір Арлоў, Андрэй Хадановіч, Сяргей Тарасаў, Святлана Курс, Наста Кудасава, Аляксандр Кудрыцкі, Дзмітрый Гулецкі, Алесь Аркуш, Васіль Дранько-Майсюк, Яўгенія Давідзенка.
Паўліна Скурко, жонка журналіста і палітзняволенага Андрэя Скурко, прэзентавала зборнікі мужавых вершаў для дзетак. На кірмашы адбылася прэзентацыя кнігі пра нобэлеўскага лаўрэата і палітвязня Алеся Бяляцкага «Алесь».
Стэнд беларускіх кніг арганізаваў Цэнтр беларускай салідарнасці ў партнёрстве з Цэнтрам навуковых даследаванняў Польскай акадэміі навук у Берліне. Праект дафінансаваны са сродкаў Фонду польска-нямецкага супрацоўніцтва.
Добро пожаловать в реальность!