TuTak

«Зараз злачынства — не верыць у тое, што Беларусь будзе вольнай, і мы вернемся туды». Алег Мяцеліца — пра байдаркі, Купалле і вяртанне дадому

Як атрымаць зніжку 10% на сплавы ў Вільні.

TuTak ex-press.by
0

Алег Мяцеліца — прадпрымальнік, грамадскі дзеяч і проста шчыры беларус, які верыць у Перамогу і тое, што Беларусь будзе вольнай. Другі раз ён пакінуў Радзіму 17 жніўня 2020 года. Цяпер ён жыве ў Вільні і арганізуе сплавы на байдарках. Адмыслова для EX-PRESS.LIVE ён распавёў, як у родным краі 20 гадоў запар ладзіў свята Купалля, якое нават не трэба было анансаваць, і як моцна сумуе па жонцы Алесе Буневіч, якая зараз знаходзіцца за кратамі ў Беларусі.

M4

Алег Мяцеліца на працы. Вільня. Фота з асабістага архіва героя.

«Але лёс склаўся так... што хрусь — і папалам»

Беларус быў вымушаны з'ехаць з Беларусi, бо 17 жніўня 2020 на яго была заведзена крымiнальная справа за публічны паклёп на вялікім мітынгу 16 жніўня. Мужчына разумеў па свайму досведу, што з допыту ў СК ён не выйдзе:

— Да падзей 2020 года прымаў актыўны ўдзел у прэзiдэнцкіх і парламенцкіх выбарах. У 2006 быў арыштаваны. Былі крымінальныя справы. Калi 17 жніўня 2020 года выклiкалi ў СК, разумеў, што адтуль ужо не выйду. Як у песні Вольскага: «Але лёс склаўся так... што хрусь — і папалам». Я вымушана пакінуў Беларусь.

Пасля «Плошчы» ў 2010 годзе Алег выехаў у Вільню, але ў 2014 годзе вярнуўся назад. Па яго словах, тады адбываліся мірныя перамены, пачалася нават беларусізацыя, было больш свабоды.

— Пакуль я быў з 2010 па 2014 годзе ў эміграцыі, у 2011 людзі сабраліся ў Друці на Купалле, але прыехаў АМАП, і іх арыштавалі, разагналі. Складаны быў год. Мы вырашылі, што зробім Купалле ў 2012 годзе ў Вільні. Тады было лягчэй з перасоўваннем, візы зрабілі. Я знайшоў месца прыгожае. Мы сабраліся і рабілі тое ж самае, што дома. Памятаю гэта адчуванне, што мы гуляемся ў беларусаў. Бярозкі не тыя, і вада, здаецца, не такая, таму пэўныя рэчы важна рабіць менавіта на Радзіме.

M5

Сплавы на байдарках. Фота з асабістага архіва героя.

Пэўныя рэчы, якія робіць герой, маюць вялікі сэнс і напаўненне менавіта, калі гэта адбываецца на Радзіме.

— Напрыклад, займаюся аднаўленнем традыцый, побыта беларускага. Для мяне вельмі важна рабіць гэтыя рэчы, якія мне цікава і якія мяне натхняюць, менавіта на Радзіме. Я ладзіў Купалле кожны год, у 2020 годзе быў юбілейны 20-ты год. Пра свята ніколі нідзе не абвяшчалася і не анансавалася. Спрацавала сарафаннае радыё, сябры казалі сябрам. Прыязджалі людзі на Дзень Летняга сонцастаяння на Друць у Бялыніцкі раён з розных рэгіёнаў.

Мы жылі некалькі дзён такой супольнай вёскай: з чацвера да нядзелі, разам былі пад сонцам, разам купаліся. Галоўная сутнасць — мы гэтыя дні праводзілі разам. Безумоўна, былі і вогнішча, і спевы, і традыцыі.

«Зараз злачынства — не верыць у тое, што Беларусь будзе вольнай»

Да эміграцыі ў 2020 годзе і першыя месяцы ў Літве беларус працаваў страхавым агентам у кампаніі «Стравіта». У Беларусі меў другую ўлюблёную працу ва ўласнай аграсядзiбе пад Бялынічамі, дзе ладзіў рэканструкцыю беларускага побыту і прымаў гасцей.

Пра гасцей Алег кажа наступнае:

— Госці былі цікавыя, і ехалі менавіта, каб пажыць, «як у бабулі». Таксама я ладзiў беларускія святы і займаўся сплавамi на байдарках у сваім рэгіёне. Рабiлi вандроўкi на выходныя дні. У Вiльні з лета 2022 года вырашыў заняцца байдаркамі. Тут шмат цікавых рэчак у горадзе і вакол. Гэты сезон працягваю справу.

M2

Сплаў па рацэ. Фота з асабістага архіва героя.

Сітуацыя пасля 2020 года вымусіла беларусаў трымацца адзін аднаго, мець шмат розных суполак:

— Я мару вярнуцца ў Беларусь. Я веру, што вярнуся дадому. Зараз злачынства — не верыць у тое, што Беларусь будзе вольнай, і мы вернемся туды. Гэта мая Радзіма, і для мяне гэта вельмі важна.

Алег вельмі сумуе па жонцы і кажа, што летась у яго ўзнікла паразуменне, што трэба пачынаць займацца любімай справай — сплавамі на байдарках.

Мужчына прызнаецца, што большасць у кліенцкай базе — гэта беларусы, але звяртаюцца таксама ўкраінцы і рускія. Некаторыя адмыслова прыязджаюць да яго, каб патрымаць суайчынніка:

— Лета 2022 года адпрацаваў і скажу, што — 90% беларусы. Нават беларусы ёсць, якія раней наведвалі маю аграсядзібу. Хлопцы і дзяўчаты, і з дзецьмi, і з сабакамi. Адзначу, што нашы людзі любяць не толькі кароткія сплавы.

M1

Навакольная прырода і прыгажосць. Фота з асабістага архіва героя.

«Жыццё складанае для ўсіх, хто быў вымушаны з'ехаць, а не рыхтаваўся да пераезду і будаваў планы»

Алег часта думае пра сваіх сваякоў, асабліва калі яны старога ўзросту, бабулі і дзядулі. Падкрэслівае, што кожны раз, калі выязджаў, дакладна ведаў, што хоча ехаць у Вільню:

— Для мяне было важна ехаць туды, дзе абставіны нагадваюць беларускія. Але заўсёды магу сказаць любому, што па-свойму я дома, асабліва, калі казаць пра Вільню і Віленскі край. Адчуваю гэтую блізкасць астранамічна, гістарычна і культурна. Плюс наяўнасць беларускіх арганізацый і саміх беларусаў, магчымасць кантактаваць.

Калі ў мінулы раз у Вільні беларусаў было дзясяткі, то цяпер — тысячы. Ёсць падтрымка, салідарнасць, абмен інфармацыяй, з'явіліся супольнасці:

— Атрымліваеш практычна поўны спектр, як культурны, так і на ўзроўні паслуг ад беларусаў. Гэта датычыцца і майго накірунку дзейнасці. Калі б была магчымасць, дазвалялі памяшканні, то Віленская гімназія імя Францыска Скарыны павялічылася б у пяць разоў, дарэчы, зараз яна павялічылася ўдвая.

M3

Алег з байдаркамі. Фота з асабістага архіва героя.

Прадпрымальнік таксама падкрэслівае, што жыццё ў эміграцыі складанае:

— Думаю, яно складанае для ўсіх, хто быў вымушаны з'ехаць, а не рыхтаваўся да пераезду і будаваў планы. Для большасці гэта было раптоўна. Калі абставіны не дазвалялі заставацца ў Беларусі.

«Веру і ўпэўнены, што большасць вернецца, бо нас чакаюць вельмі класныя часы»

Алег намагаецца прынцыпова атрымліваць паслугі ад землякоў. Так, і ў яго два чалавекі замовілі сплаў праз інстаграм. Аказалася, што гэта сям'я з Нямеччыны, і ім дала кантакты гаспадыня-беларуска, якая жыве з 2000 года ў Берліне:

— Яна займае актыўную грамадзянскую пазіцыю, пабачыла інфармацыю на баймапцы (дарэчы, калі вы прыйшлі адтуль, то можаце атрымаць зніжку 10% на сплаў), і для яе было вельмі важна менавіта атрымаць паслугі ад беларусаў. Таксама звязалася адна група, казалі, што летась сплаўляліся з іншымі, але як даведаліся, напісалі, што хацелі бы гэта рабіць з беларусамі.

M7

На любімую працу. Фота з асабістага архіва героя.

Нягледзячы на ўвесь жах, што адбываецца, гора, усе ахвяры і пакуты, беларус лічыць, што гэты перыяд вельмі важны для беларусаў:

— Гэта важны перыяд тым, што беларусы ў нейкім сэнсе адчулі сваю годнасць, вартасць і пазбавіліся пэўных комплексаў. Людзі, якія выехалі за мяжу, атрымаюць досвед. Веру і ўпэўнены, што большасць вернецца, бо нас чакаюць вельмі класныя часы. Гэта будзе вялікі пад'ём, росквіт, кожны і кожная захоча вярнуцца, каб будаваць і адбудоўваць нашу Радзіму. Гэта вельмі важны досвед. Я веру, што ў нас усё атрымаецца, мы вернемся, і зробім Беларусь неверагоднай, я веру ў нас.

Калі вас зацікавілі сплавы на байдарках у Вільні і ваколіцах, а таксама пракат байдарак і іншага турыстычнага абсталявання, звяртайцеся да каманды. Яны будуць радыя дапамагчы.

Кантакты:

+37068 351-0-81 – Алег,
+37060 815-88-6 – Андрэй.

Instagram: https://instagram.com/splyvem

Telegram: https://t.me/splyvem

Хочаце расказаць сваю гiсторыю? Пiшыце: @ex_presslive.

EX-PRESS.BY, фота з архiва героя
Подпишитесь на канал ex-press.live в Telegram и будьте в курсе самых актуальных событий Борисова, Жодино, страны и мира.
Добро пожаловать в реальность!
Темы:
вымушаная эмiграцыя
Вiльня
Мяцелица
байдаркi
Если вы заметили ошибку в тексте новости, пожалуйста, выделите её и нажмите Ctrl+Enter
ПОСЛЕДНИЕ НОВОСТИ
Общество
Задержан бывший глава Брестского горисполкома Александр Рогачук
Общество
Призвали мобилизовать ресурсы, чтобы остановить насилие. После смерти белоруски польский конгресс женщин призвал политиков принять меры
Политика
Фридман: Лояльность Лукашенко устраивает Кремль, нет смысла сейчас уничтожать формальную независимость Беларуси
В мире
Пастухов: На Путине отныне и во веки веков будет теперь лежать проклятие Годунова. И закончит, скорее всего, как Годунов: неожиданно и непонятно
Экономика
Кнырович: «В сегодняшней ситуации налоговая делает самые разные финты, чтобы увеличить количество денег, собираемых в бюджет»
В мире
В Москве простились с умершим оппозиционером Алексеем Навальным. Фотографии с похорон политика
Общество
Филипенко: «Уже стали жанром «похороны по скайпу», потому что огромное количество людей не могут приехать»
Общество
«Глядзі, якую бздуру прыняў „сонцападобны“. Сярод дзяржаўных службоўцаў і пракурорскіх работнікаў іронія і сарказм да Лукашэнкі заўсёды прысутнічалі»
Политика
«Злость на то, что женщины не могут чувствовать себя в безопасности, что кто-то обвиняет жертву насилия», - реакция Тихановской
Общество
«У нас есть такой "президент". Вся вина — в нем». Репортаж с литовско-белорусской границы
ВСЕ НОВОСТИ
ПОСЛЕДНИЕ НОВОСТИ
Общество
Задержан бывший глава Брестского горисполкома Александр Рогачук
Общество
Призвали мобилизовать ресурсы, чтобы остановить насилие. После смерти белоруски польский конгресс женщин призвал политиков принять меры
Политика
Фридман: Лояльность Лукашенко устраивает Кремль, нет смысла сейчас уничтожать формальную независимость Беларуси
В мире
Пастухов: На Путине отныне и во веки веков будет теперь лежать проклятие Годунова. И закончит, скорее всего, как Годунов: неожиданно и непонятно
Экономика
Кнырович: «В сегодняшней ситуации налоговая делает самые разные финты, чтобы увеличить количество денег, собираемых в бюджет»
В мире
В Москве простились с умершим оппозиционером Алексеем Навальным. Фотографии с похорон политика
Общество
Филипенко: «Уже стали жанром «похороны по скайпу», потому что огромное количество людей не могут приехать»
Общество
«Глядзі, якую бздуру прыняў „сонцападобны“. Сярод дзяржаўных службоўцаў і пракурорскіх работнікаў іронія і сарказм да Лукашэнкі заўсёды прысутнічалі»
Политика
«Злость на то, что женщины не могут чувствовать себя в безопасности, что кто-то обвиняет жертву насилия», - реакция Тихановской
Общество
«У нас есть такой "президент". Вся вина — в нем». Репортаж с литовско-белорусской границы
ВСЕ НОВОСТИ