Праваабарончы цэнтр «Вясна» вызначыў 21 траўня Днём салідарнасці з палітзняволенымі Беларусі. Два гады таму ў гэты дзень у шклоўскай калоніі №17 памёр палітвязень Вітольд Ашурак. У нядзелю, 21 траўня, беларусы ад Украіны і Літвы да Амерыкі і Канады выйшлі на акцыі салідарнасці, пісалі лісты і рабілі перфомансы.
Польшча
Беласток
У Беластоку больш за 100 чалавек прынялі ўдзел у акцыі і нагадалі, што тысячы нашых родных, блізкіх, сумленных беларусаў пазналі пераслед, гвалт, катаванні. Некаторыя, як Вітольд Ашурак, Мікалай Клімовіч, Дзмітрый Дудойць, загінулі ў няволі:
— Тысячы лёсаў паламаныя. Тысячы сем'яў разлучаныя. Тысячы людзей застаюцца ў турмах. Жах у Беларусі стаў паўсядзённасцю. Калі нам некалі хочацца махнуць на ўсё рукой і жыць далей сваім жыццём, мы павінны памятаць, як шмат людзей застаецца ў закладніках рэжыму. Дзеля іх трэба змагацца далей. Пакуль усе не будуць вольныя, — кажуць беларусы.
— І калі мы сапраўды хочам людзьмі звацца, мы павінны памятаць пра палітвязняў кожны дзень і рабіць тое, што ў нашых сілах дзеля падтрымкі іх і іх сем'яў, дзеля іх свабоды. Салідарнасць — наша сіла.
Беларусы Беластока паказалі, што не забыліся, што не спыніліся і што ім не ўсё роўна.
Варшава
У Варшаве прайшоў мітынг і шэсце, выступілі былы палітвязень і кандыдат у прэзідэнты Беларусі Андрэй Саннікаў, галоўны рэдактар «Gazeta Wyborcza» Адамі Міхнік, сяброўка Вітольда Ашурка Вольга Быкоўская, а таксама польскія і беларускія палітыкі і праваабаронцы, амбасадар Польшчы ў Беларусі Артур Міхальскі.
Уроцлаў
На рынкавай плошчы ў цэнтры горада сабралася больш за 100 чалавек, былі агучаныя імёны загінулых і закатаваных беларусаў, у тым ліку гісторыя Вітольда Ашурка, які быў замучаны ў Шклоўскай калоніі.
Ад некаторых палітвязняў ужо шмат часу няма зваротнай сувязі. Нават іх родныя не ведаюць, у якім яны стане. Беларусы працягваюць звяртацца да міжнароднай супольнасці і арганізацый, каб распаўсюджваць інфармацыю пра палітвязняў Беларусі, каб даведацца пра іх лёс і дамагчыся іх вызвалення.
Быдгaшч
Кракаў
Беларусы выйшлі, каб распавесці жыхарам горада і турыстам пра палітвязняў у Беларусі. Разам чыталі лісты палітвязняў, працаваў вольны мікрафон, а кожны жадаючы мог прачытаць на стэндах інфармацыю пра вязняў і тое, як можна іх падтрымаць.
Люблін
Перформанс «камера» адбыўся ў Любліне, пад час якога зачыталі кавалкі гісторый арыштантаў на Акрэсціна.
«Знаходзячыся тут, за мяжой, мы можам падтрымліваць адно аднаго, палітвязняў і іх сем’і, рабіць усё, што ў нашых сілах, каб сотні тысяч людзей зноў пабачылі свае сем’і і вярнуліся на Радзіму. Не важна, якое ў нас грамадзянства, няма розніцы, на якой мове мы размаўляем, якога колеру ў нас скура, у што мы верым і каго кахаем. Толькі разам мы можам спыніць знішчэнне чалавека і яго свядомасці», — заяўляюць беларусы.
Познань
Украіна
Львоў
Беларуская дыяспара ў Львове далучылася да Дня палітвязняў Беларусі.
На базе Львоўскага хаба Чарнігаўскага дома правоў чалавека яны падпісалі паштоўкі, якія былі зробленыя з фотаздымкаў саміх удзельнікаў і удзельніц.
Кіеў
На імпрэзе выступілі былыя палітвязні і рэпрэсаваныя беларусы. Яны распавялі пра ўмовы ўтрымання ў беларускіх турмах, нагоды, паводле якіх беларускія улады чыняць пераслед, заклікалі ўсялякім чынам падтрымліваць тых, хто зараз несправдліва кінуты за кратамі. Напрыканцы удзельнікі імпрэзы падпісалі паштоўкі беларускім палітвязням.
Чарнігаў
Чарнігаўскі дом правоў чалавека далучыўся да Дня салідарнасці з беларускімі палітзняволенымі.
Адэса
У дзень салідарнасці з беларускімі палітвязнямі беларусы Адэсы напісалі ім лісты.
Літва
Клайпеда
Беларусы і беларускі патурбавалі тых, хто спакойна адпачываў, і распавялі пра беларускіх палітвязняў і на Балтыцы. Уявілі, калі б сюды прыехалі 1525 афіцыйна прызнаных палітвязняў з турыстычнымі дыванкамі памерам 0,7 на 2 м і нарэшце маглі б падыхаць морам, адчуць вецер на скуры, то, калі класці дыванок да дыванка, атрымаўся б прастакутнік памерам 32 на 67 метраў, плошчай 2144 м². Пяску не было б відаць.
Вільня
На Катэдральнай плошчы Вільні адбылася акцыя беларусаў Літвы, у ліку арганізатараў якой былі ментары і валанцёры «Dapamoga».
Расія
Масква
Беларусы Масквы далучыліся да ўшанавання 21 траўня Дня салідарнасці з палітзняволенымі Беларусі.
Швецыя
Стакгольм
Швейцарыя
Цюрых
Акцыя салідарнасці з беларускімі палітвязнямі ў Цюрыху. У ёй узялі ўдзел беларусы Швейцарыі, сярод якіх былыя палітзняволеныя: Ганна Баран, Наталля Хершэ, Вольга Класкоўская, журналістка Алена Прыходзька і «БЧБ-нявеста» Іна Зайцава.
Італія
Рым
Эстонія
Талін
Беларусы Таліна ў дзень салідарнасці з палітвязнямі правялі акцыю «Глыток свабоды для Беларусі» падчас якой было раздадзена 1500 бутэлек з вадой з інфармацыяй пра становішча палітвязняў у Беларусі і магчымымі спосабамі дапамогі.
Чэхія
Прага
Беларусы Прагі сабраліся на Palackého náměstí каб выказаць салідарнасць з беларускімі палітвязнямі. На плошчы былі пазначаныя памеры турэмнай камеры ў 4 кв. м — удзельнікі выстраіліся ў ёй, каб паказаць, у якіх цяжкіх умовах знаходзяцца палітвязні Беларусі. Таксама актывісты раздавалі прахожым бутыки вады з адмысловымі этыкеткамі, на якіх была надрукаваная просьба дапамагаць палітвязням, а гэтак жа QR-коды са спасылкамі на інфармацыйныя платформы і фонды дапамогі.
Арганізавала акцыю Bělaruské studentstvo ČR — суполка беларускіх студэнтаў і студэнтак Чэхіі.
Бельгія
Антвэрпен
У Антвэрпене прайшла літургія ў беларускай грэка-каталіцкай царкве, дзе ўсталяваны Крыж ПамяцІ. Памаліліся за душу Вітольда Ашурка і Мікалая Клімовіча, а таксама за тых, хто сёння ўсё яшчэ ў засценках рэжыму.
Брусэль
Беларусы Бельгіі напісалі лісты тым, хто адбывае незаконнае пакаранне і зачытвалі адказы, якія атрымлівалі ад палітвязняў.
Латвія
Рыга
Беларусы Латвіі зладзілі на галоўнай плошчы ў Рызе каля помніка Свабоды акцыю на Дзень салідарнасці з палітвязнямі Беларусі. Жыхары сталіцы, турысты і наведвальнікі ЧМ па хакею сталі сведкамі злачынств рэжыму Лукашэнкі. У акцыя разам з беларусамі ўдзельнічала Sandra Kalniete, дэпутатка Латвіі ў Еўрапарламенце і хросная Ларысы Беражновай. І іншыя слынныя грамадскія дзеячы Латвіі.
Нямечына
Мюнхен
21 траўня ў Мюнхене сабраліся неабыякавыя беларусы і беларускі, каб выказаць сваю салідарнасць з палітвязнямі ў Беларусі. На плошчы Одэонсплац гучалі імёны палітзняволеных і шакуючыя турэмныя тэрміны, на якія іх кінуў за краты бесчалавечны рэжым. Імёны былі напісаныя на белых і чырвоных сэрцах, якія потым траплялі ў сімвалічную клетку. Гэта напамін нам усім не спыняцца, пакуль яны ўсе не выйдуць на волю. І няхай гэта адбудзецца як мага хутчэй.
Берлін
Беларусы Берліна выйшлі да «Амбасады свабоднай Дэмакратычнай Беларусі» (Арт-праект), каб выразіць салідарнасць і расказаць пра шчырых беларусаў, якіх лукашысты сёння ўтрымліваюць за кратамі.
ЗША
Філадэльфія
Беларусы і беларускі Філадэльфіі правялі акцыю салідарнасці з палітвязнямі Беларусі. Таксама быў падпісаны зварот да лідараў краін свету, AAН і Дзярждэпа ЗША аб узмацненні ціску на рэжым Лукашэнкі.
Нью-Ёрк
Канада
Добро пожаловать в реальность!