У сталіцы Латвіі насупраць расейскай амбасады адбыўся пікет. Беларусы і беларускі выступілі супраць размяшчэння на тэрыторыі Беларусі тактычнай ядзернай зброі з Расіі. Акцыi, падобныя на гэту, прайшлi таксама ў розных краiнах.
Актывістка і журналістка Наста Захарэвіч распавяла, чаму дыяспарам і ўсім неабыякавым людзям і зараз важна выходзіць на вуліцы і выказваць свае меркаванні і стаўленне да падзей, што адбываюцца на радзіме:
— У такой сітуацыі вельмі важна, што мы як дыяспара катэгарычна супраць размяшчэння на тэрыторыі Беларусі тактычнай ядзернай зброі. Нам не ўсё адно. Безумоўна, пасля некалькіх гадоў пагаршчэння гэтага крызісу і поўнага ігнаравання, так званых, беларускіх уладаў, нашых жаданняў і патрабаванняў, можа падавацца, што любыя публічныя акцыі не маюць сэнсу, што яны не ўплываюць на тое, як разготрваецца рэяльная карціна. Але нельга апускаць рукі, нельга адмаўляцца ад дзеянняў, таму што тым самым мы толькі дамо карцінку свету, што нас усё задавальняе, а гэта безумоўна не так.
Дзяўчына прызнаецца, што для сябе вырашыла, што будзе паказваць, што беларускі і беларусы не здаюцца:
— Найгалоўнейшая матывацыя — паказваць, што мы не здаліся, што мы супраць таго, каб Расія выкарыстоўвала Беларусь у якасці сметніцы задняга двара, сатыліта, гэта можна па-рознаму называць. Мы катэгарычна супраць таго, што Лукашэнка працягвае лічыць сябе прэзідэнтам і ўпэўнены, што мае права прымаць такія рашэнні: пагаджацца на тое, каб на тэрыторыі Беларусі іншая краіна, краіна-агрэсар і краіна-тэрарыст размяшчала сваю тактычна-ядзерную зброю.
Беларусы і беларускі Варшавы выйшлі на акцыю пратэсту супраць размяшчэння ядзернай зброі, дзе падкрэслілі, што Беларусь заўсёды выступала за мірнае развіццё і адмову ад ядзернай зброі:
— Мы не можам дазволіць, каб наша краіна стала месцам захоўвання зброі масавага знішчэння. Ядзерная зброя не з'яўляецца гарантыяй нацыянальнай бяспекі, а толькі пагрозай сусветнай супольнасці. Гэта можа прывесці да катастрафічных наступстваў і пагражае не толькі нашай краіне, але і ўсяму свету. Мы не гатовы стаць закладнікамі ў гэтай небяспечнай гульні. Мы супраць размяшчэння ядзернай зброі на тэрыторыі Беларусі і будзем змагацца за нашу Радзіму і яе будучыню.
Беларусы разам з украінцамі таксама некалькі дзён выходзілі для пікетавання каля кансулату краіны-агрэсара ў Кракаве, каб выказаць нязгоду з намерам размяшчэння расейскай ядравай зброі на тэрыторыі Беларусі:
— Мы памятаем трагедыю Чарнобыля! Мы супраць акупацыі Беларусі і выкарыстаньня тэрыторыі нашай Радзімы ў мэтах дыктатараў. Жыве Беларусь! Слава Украіне!
 |
 |
Прадстаўнікі Беларускай дыяспары Беластока лічаць, што размяшчэнне расейскай ядзернай зброі на тэрыторыі Беларусі з'яўляецца канчатковай адмовай краіны ад суверэнітэту:
— Гэта прамая пагроза жыццю і бяспецы насельніцтва, доказ акупацыі рэспублікі Расеяй, акт агрэсіі супраць незалежнай Беларусі.
Таксама мітынг адбыўся ў горадзе Антверпен, што знаходзіцца ў Бельгіі.
Добро пожаловать в реальность!