Слівавы пірог, які ўпрыгожаны клубніцамі, сырнікі з макам, ліманад, салата і паста, сыр з высакароднай цвіллю і ёгурт з дурніцамі — далёка не ўвесь спіс страў, якія мы адшукалі на эмігранцкіх беларускіх сталах. Даведаліся, што беларусы і беларускі выбіраюць на сняданак, абед і вячэру за мяжой. Смачныя фота шукайце далей разам з EX-PRESS.LIVE.
Анастасія з Варшавы сама прыгатавала смачны пірог са слівамі і пачаставала ім сяброў. Смачныя клубніцы, якіх зараз шмат на кірмашах і ў крамах і ўтульны дэкор ствараюць прыемную атмасферу дома. Выглядае вельмі апетытна.
Віялета пераехала жыць у Варшаву, адтуль і дасылае нам свой цудоўны сняданак. Дзяўчына вельмі любіць сырнікі. На фота яны з макам, іх беларуска ўпрыгожвае ёгуртам і клубніцамі.
Юлія, Польшча:
— У замежжы мой сняданак часцей усяго заўсёды выглядае прыкладна так: кава на аўсяным малаку; мяса ялавічыны, курыцы ці чырвоная рыба; авакада замест масла; сырныя ляпёшкі, цёмны хлеб з семечкамі ці багет; і дадаткова зеляніна ці гародніна.
Дар’я з Славакіі дома гатуе розныя сняданкі, але менавіта сёння ў яе на стале хлоп’я з ёгуртам і дурніцамі.
Абед Анастасіі з польскага горада гномаў Уроцлава сёння выглядае так: гэта паста з соўсам, салата і кавалак мяса. Зразумела, што кожны дзень стравы чаргуюцца, але беларуска лічыць, што абавязкова і рэгулярна трэба ўжываць зеляніну, гародніну, садавіну — гэтых прадуктаў мусіць быць больш, чым малочных або мяса.
Артур з задавальненнем падзяліўся фотаздымкам свайго сняданку. На стале — сырнікі, амлет, свежая гародніна і зеляніна. Ружовы букет з кветкамі можа зрабіць прыгожым любы стол. Разыначка сервіроўкі — парастак бамбуку.
Па меркаванні нашай наступнай гераіні, ліманад з апельсінам і лаймам — вельмі важны напой для гарачага лета. На шыкоўным фотаздымку таксама шакалад, вінаград, закускі, агародніна.
Скажаце, што фота мы спампавалі з Пінтрэста. Ды не. Гэты атмасферны фотаздымак нам даслала Крысціна з Варшавы. Так прыгожа і ўтульна ў кватэры яе сябра. На вячэру сыр з высакароднай цвіллю, цвёрды сыр, агурок, хумус, зеляніна, шакалад. Проста «ваў».
Хочаце паказаць сваю вячэру цi сняданак? Пiшыце: @ex_presslive.
Добро пожаловать в реальность!