Дзеці і дарослыя Уроцлава трапілі на важную і знакавую сустрэчу — прэзентацыю «Дзіцячага спеўніка» ва Уроцлаве.
Пра кнігу
Укладальнік спеўніка — вядомы збіральнік фальклору, педагог Антон Грыневіч. Мінула амаль сто гадоў пасля першага выдання. У 2024 годзе зборнік атрымаў другое жыццё.
У спеўнік увайшлі 33 творы з мелодыямі — песні, прыпеўкі, забаўлянкі і калыханкі. У зборніку можна пабачыць не толькі прыклады фальклору для дзяцей, але і абрадавую і пазаабрадавую лірыку і танцавальныыя творы.
Гэта яскравае перавыданне ў новым графічным афармленні з каляровымі малюнкамі, якія зрабіла беларуска Уроцлава, тлумачэннямі, тэкстамі па-беларуску, лацінкай і па-ангельску. Акрамя нот, ёсць і аўдыёдадатак, каб слухаць і вучыць мелодыі песень самастойна.
Кніга выйшла вялікім накладам, яе можна замовіць поштай з дастаўкай па ўсім свеце, а таксама набыць у кніжных крамах у Вільні, Варшаве і Мінску.
Сяргей Доўгушаў — стваральнік розных музычных гуртоў і праектаў: «Vuraj», «Isna Trio», «Slavalachia». Заснавальнік музычнага руху «Спеўны сход» і рэзідэнцыі «Дом творцаў» у Варшаве.
Ён пазнаёміў беларусаў Уроцлава з кнігай даволі цікавым спосабам. Гэта была файная музычна-інтэрактыўная праграма: гульні, карагоды, вясёлыя песні. Дзеці і дарослыя шмат бегалі, танчылі і спявалі. Таксама адбыўся дзіцячы спеўны сход, а пасля — прэзентацыя выдання і аўтограф-сесія.
Падзяліцца меркаваннем: @ex_presslive
Добро пожаловать в реальность!