19 чэрвеня – 100-годдзе Васіля Быкава. Напярэдадні юбілею недалёка ад Беларускага дому ў Варшаве зʼявіўся мурал, прысвечаны пісьменніку. Увасобіла кампазіцыю міжнародная арганізацыя «Рух беларускіх нацыяналістаў».
Побач з выявай пісьменніка — цытаты пра Беларусь, яе незалежнасць і пра беларускую мову:
«Я веру, што Беларусь жыве і будзе жыць. Зробім-жа ўсё дзеля гэтага».
«Мова — аснова ня толькі нацыянальнай культуры, але і існавання нацыі, існавання этнасу».
«I калi нам цяпер чагосьцi не хапае, дык найперш — нацыянальнай волi, дасканалай нацыянальнай свядомасьцi».
«Толькі пры свабодзе і Незалежнасці магчымы працяг беларускай гісторыі».
«Толькі нацыяналізм з найбольшай выніковасцю здольны абʼяднаць сілы грамадства ў ягоным дэмакратычным развіцці».
У Беларусі і ў замежжы на працягу некалькіх дзён чакаюцца сустрэчы і вечарыны, прысвечаныя памяці Васіля Быкава. Вось некаторыя з іх:
Польшча
19 чэрвеня. Лекцыя і дыскусія: «Доўгая дарога дамоў. Васіль Быкаў і Беларусь»
Выступоўца: паэт Андрэй Хадановіч.
Месца правядзення: Беларускі моладзевы хаб (Варшава, ul. Dożynkowa 6A).
Пачатак: 18:30 (19:30 менскага часу). Уваход дармовы.
23 чэрвеня. Імпрэза ў Варшаве памяці Васіля Быкава
Чытанне ўрыўкаў з твораў пісьменніка, лекцыі пра творчасць Васіля Быкава, успаміны сяброў і сучаснікаў, спектакль «Суд Сумлення».
Выступоўцы: Зянон Пазняк, Галіна Пазняк, Зміцер Бартосік і інш.
Месца правядзення: Беларускі дом у Варшаве (ul. Kryniczna 6).
Пачатак 14:00 (15:00 беларускага часу). Уваход дармовы.
Сустрэча з Уладзімерам Арловым
Пісьменнік Уладзімер Арлоў, які добра асабіста ведаў Быкава, правядзе экскурсію па творчым свеце беларускага класіка.
У праграме:
новыя факты, а таксама нечаканыя ракурсы жыцця і творчасці Васіля Быкава;
жывы голас народнага пісьменніка Беларусі;
Быкаў як мастак;
прэзентацыя новай кнігі Быкава «Бліндаж» з удзелам выдаўца, кіраўніка фонду Kamunikat.org Яраслава Іванюка;
фрагменты ўспамінаў Карласа Шэрмана пра Васіля Быкава прачытае старшыня Беларускага ПЭНа Тацяна Нядбай;
кніжны кірмаш з навінкамі беларускай літаратуры.
Месца правядзення: Цэнтр беларускай салідарнасці, Oleandrów 6/2, Варшава.
Пачатак: 17:00 (18:00 беларускага часу). Уваход дармовы.
Беларусь
Імпрэзы Дзяржаўнага музею гісторыі беларускай літаратуры
Месца правядзення: музэй-дача Васіля Быкава (Ждановічы, вул. 6-я Дачная, 62).
19 чэрвеня. «Знаёмы незнаёмы Быкаў»
13:00–14:00. Экскурсія па музеі–дачы (знаёмства з пастаяннай экспазіцыяй, дапоўненай малюнкамі Быкава і экспанатамі з фондаў ДМГБЛ).
14:30–16:00. Літаратурныя размовы з наведнікамі на падворку дачы. Віктарына па загадкавых старонках творчасці Васіля Быкава.
20 чэрвеня. «Ведаць тое, аб чым пішаш»
Прыём наведнікаў, экскурсія–лекцыя, прысвечаная пачатку творчага шляху і першым спробам пяра Васіля Быкава на прыкладзе апавяданняў і аповесцяў 1950–1960-х гг.
21 чэрвеня. «Шумныя бярозы»
14:00–17:30. Літаратурна-мастацкі пленэр з удзелам наведнікаў музею: бліц – лекцыя па тэорыі літаратуры, чытанне мастацкага эсэ І. Князевай «Аўтамабіль, час і Васіль Быкаў», літаратурныя гульні, напісанне ўдзельнікамі пленэру невялікіх уласных мастацкіх твораў, стварэнне ілюстрацый да іх.
22 чэрвеня. «Васільковы пленэр»
14:00–18:00. Роспіс шопераў у тэхніцы маляваных дываноў на тэму «Выяўленне вобразаў В. Быкава праз інсітнае мастацтва».
Кошт – 30 руб.
Чэхія
19 чэрвеня. Прэзентацыя юбілейнай кнігі пра Васіля Быкава ў Празе
Асветніцкая суполка «Скарына» і Нацыянальная бібліятэка Чэскай Рэспублікі запрашаюць на адкрыццё выставы і юбілейную сустрэчу з нагоды 100-гадовага юбілею нараджэння Васіля Быкава. Пачатак а 16-й гадзіне (17-й паводле беларускага часу).
Месца правядзення: Klementinum 190, Прага, Národní knihovna ČŘ, 1-ы паверх (выставачная заля).
Пачатак а 16-й гадзіне (17-й гадзіне беларускага часу).
Літва
19 чэрвеня. Выстава кніг Быкава ў Віленскім беларускім музеі, быкаўскія чытанні
«Адбудуцца вольныя чытанні фрагментаў з кніг аўтара, чыё сэрца жыло Беларуссю. Запрашаем усіх ахвочых прачытаць свае ўлюбёныя старонкі з яго твораў уголас і (ці) паслухаць іх у выкананні іншых чытачоў і чытачак. І, вядома ж, з радасцю прапануем вам пазычыць кнігу вялікага беларускага пісьменніка на добрае чытанне дома!» — напісалі арганізатары.
Месца правядзення: «Чытальня», Беларускі музей у Вільні, адрас: Vilniaus g. 20.
Час: 17:00–20:00 (18:00–21:00 менскага часу).
Даслаць навіну: @ex_presslive
Добро пожаловать в реальность!