З 1 па 8 кастрычніка ва Ўроцлаве праходзіў XI фестываль незалежнай беларускай культуры, на яго завiтала Святлана Ціханоўская. У межах фестывалю адбылося шмат цiкавага i захапляльнагa на любы густ: майстар-клас па вырабе выцінанкі, паказ фiльму Марыі Тамковіч «На жыва», выстава фатаграфіі «Цягнік Мінск-Уроцлаў» і шмат іншага.
Паэтычна-літаратурны вечар з Уладзімірам Някляевым
Моцныя вершы, якiя Ўладзімір Някляеў чытаў на творчай сустрэчы, актуальны для Беларусі як 25 гадоў таму, так i зараз. Дзякуй спадару за тое, што ён усімі сваімі сіламі бароніць беларускую культуру.
Выстава «Союзная палата»
«Союзная палата» (2022-2023) — сатырычны анімацыйны серыял ад кампаніі NEXTA, намаляваны і ажыўлены ў тэхніцы stop motion мастачкай Аляксандрай Канафальскай. Падзеі адбываюцца ў недалёкай будучыні, калі несталеючыя душой дыктатары трапляюць у псіхіятрычную клініку з разладам культу асобы і перакрыўленай карцінай рэальнасці. Лекар Сцяпан Пуціла праводзіць тэрапію, абвяргаючы галоўныя міфы пацыентаў.
Фiльм Марыі Тамковіч «На жыва»
Зняты па рэальных падзеях фiльм мае працягласць 14 хвiлiн. Кранальная карцiна пра двух журналicтак, якiя рабiлi рэпартаж з месца мірнай дэманстрацыi памяці забітага да смерці Рамана Бандарэнкі ў Мінску. Людзi былi жорстка разагнаны міліцыяй. Пра гэта свет даведаўся дзякуючы дзяўчатам незалежнага беларускага тэлеканалу. У мэтах бяспекі яны робяць стрым з вокнаў суседняй кватэры. Калі міліцыя пачынае страляць па дэманстрантах, адна з жанчын заўважае міліцэйскі дрон...
Майстар-клас па роспісу пернікаў
Дзецi акунулicя ў свет творчасці і чараўніцтва. На майстар-класе яны ператварылі звычайныя пернікі ў сапраўдныя творы мастацтва. Дзецям распавядалi пра пернікі, ўзгадалi пернікавыя казкі i размалявалі пернікі.
Мылаварны майстар-клас
На творчым занятку па мылаварэнню дзяцей пазнаёмiлi з дзіўным прыкладным мастацтвам. Гэта захапляльны занятак, вынікам якога з'явілася зробленае сваімі рукамі фігурнае мыла. Дзецi даведалicя пра вытокі мылаварэння, пазнаёмiлicя з кампанентамі, з якіх вырабляецца натуральная касметыка, зрабiлi сваё мыла, выбраўшы водары і дэкор па жаданнях.
Выстава фатаграфіі «Цягнік Мінск-Уроцлаў»
Выстава прадэманстравала ўзаемасувязь паміж двума гарадамі – Мінскам і Ўроцлавам. Аб’ядноўваючы разам фатаграфіі архітэктурных аб'ектаў і характэрных месцаў абодвух гарадоў, экспазiцыя раскрывае падобныя рысы і пераказвае агульную гісторыю беларусаў і палякаў.
Вакальна-тэрапеўтычны варштат
Спявачка, выкладчыца па вакалу, кампазітарка і вакальная тэрапеўтка Аквалерыя правяла майстар-клас для дзяўчын і жанчын. Ix чакалi дыхальныя і артыкуляцыйныя практыкаванні, расслабленне цела і рухі пад музыку. Жанчыны гучалi і спявалi, а напрыканцы вывучылi і заспявалi народную песню. Некаторыя дзяўчаты прызналicя, што палюбілi свой голас і атрымалi пазітыўныя эмоцыі.
Майстар-клас па вырабе выцінанкі
Выцінанка — гэта наша нацыянальная традыцыя, а майстэрства стварэння выцінанак — гэта шлях да нашай культурнай спадчыны. Кожны i кожная маглi паспрабаваць свае сілы ў творчасці і стварэннi ўласныx шэдэўрaў. Сучасная беларуская выцінанка адрозніваецца разнастайнай тэматыкай, тэхнікай выканання, дызайнерскімі рашэннямі, але заўсёды арыентуецца на народныя традыцыйныя матывы.
Адкрыццё сезону «МОВА НАНОВА» з Кацярынай Ваданосавай
Музыка, тэлевядоўца, рэканструктарка традыцыйных і гістарычных строяў Кацярына Ваданосава распавяла пра беларускі традыцыйны строй, яго адметнасці, лакальныя асаблівасці, працэс стварэння, а, самае галоўнае, паказала сваю, уласнаруч зробленую, калекцыю народных строяў.
Канцэрт «Край»
Канцэрт Кацярыны Ваданосвай і Аляксандры Канафальскай. Былі любімыя песні і дзівосныя малюнкі пяском. Таксама да беларусак далучыліся гурт «Летапіс» і «Беларускія традыцыйныя танцы ва Ўроцлаве».
Посмотреть эту публикацию в Instagram
Даслаць навіну: @ex_presslive
Добро пожаловать в реальность!