18 кастрычніка гурт Naviband завiтаў у польскі Уроцлаў. Музыкi выканалi як вядомыя xiты, так i новую песню «Сокал». Аказалася, што ў беларускага народа ёсць такі талісман, які можа забраць наш адчай.
EX-PRESS.BY трапiў на канцэрт i паспрабаваў перадаць атмасферу радасцi, а часам і суму, якiя панавалi на свяце.
«У вашым горадзе вельмi зараджаныя людзi»
Музыка Арцём Лук'яненка прызнаўся, што гурту вельмi падабаецца прыязджаць ва Ўроцлаў:
— Мы любiм прыязджаць да вас. У вашым горадзе вельмi зараджаныя людзi. Не ведаю, куды вы ходзiце i з кiм сустракаецеся, але ў вас шмат энергii. Гэта адчуваецца. Гэта праўда. Мы вельмi рады быць тут сёння!
Сёлета 10 гадоў, як Арцём i Ксенiя напicaлi цудоўную песню «Абдымi мяне»:
— Мы напicaлi нашу першую песню разам з Ксюшай i працягваем спяваць яе далей.
Каб усё атрымалася, музыка папрасiў узняць рукi ўверх.
«Кожныя сустрэчы з блізкімі і роднымі хочацца памятаць і даваць ім магчымасць быць даўжэй»
— Менск — наша любоў. Безумоўна, не толькі ён. Мы бясконца можам казаць, што мы вельмi ўдзячныя вам за тое, што вы прыходзiце да нас, за гэтыя нашыя з вамі сустрэчы, дзе мы можам спяваць разам, глядзець адно адному ў вочы. Мы можам адчуць гэтае месца, Стары Кляштар, які нас ахоўвае. Колькi мы тут ужо сустракалicя! Святы і кожныя сустрэчы з блізкімі і роднымі хочацца памятаць і даваць ім магчымасць быць даўжэй, — адзначыла Ксюша.
Як аказалася, сястра музыкі Арцёма выйшла замуж, і ўся публіка павіншавала дзяўчыну і яе мужа з гэтай падзеяй і гучна крычала: «Горка!»
«Падтрымлівайце палітзняволеных у Беларусi»
Вакаліст Арцём падкрэсліў, што ўсім нам варта памятаць пра тых, хто застаецца за кратамі на Радзіме:
— Свята — гэта цудоўна, але ёсць людзі, якія знаходзяцца ў месцах, у якіх не мусяць быць па сваёй волі. Упэўнены, што хтосьці з вас піша да іх лісты і працягвае гэта рабіць, падтрымлівае палітзняволеных у Беларусі. Менавіта гэтаму прысвячаецца песня «Сумнае свята».
У гурта неўзабаве выйдзе новы альбом, і для ўроцлаўскай публікі яны выканалі адну песню. Музыка працягнуў:
— Спрабуем знайсці нешта новае. Так у кожнага, напэўна, ёсць талісман-жывёла, які ідзе побач у пэўны перыяд жыцця. Аказалася, што ў беларускага народа ёсць такі талісман, які можа забраць наш адчай. Песня называецца «Сокал».
«Mара аб тым, што наш дом будзе вольны, застаецца»
У кожнага і ў кожнай ёсць жаданні, мары, мэты, пра гэта спявачка Ксенія Жук таксама казала на канцэрце:
— Ёсць моманты, мары, да якіх мы імкнёмся. Шмат хто з нас ужо зразумеў, што не вернецца дадому, але мара аб тым, што наш дом будзе вольны, застаецца, і надзея такая ёсць. Святло заўсёды перамагае.
Напрыканцы цёплай і ўтульнай сустрэчы музыкі дадалі, што яшчэ раз дзякуюць слухачам і слухачкам:
— Дзякуй, што даеце магчымасць працаваць, ездзіць, сустракацца з вамі. Зычым вам, каб ваша гісторыя жыцця таксама свяціла яшчэ ярчэй у такім крэйзі-свеце, дзе мы жывем. Спадзяемся, што прыедзем зноў да вас з новым альбомам.
Даслаць навіну: @ex_presslive
Добро пожаловать в реальность!