Што будзе паступова адбывацца з Беларусьсю ў бліжэйшыя гады. Тое, што заўжды адбывалася з акупаванымі тэрыторыямі. Беларусь стала "libensraum" Расеі, хутчэй "geopolitik raum", піша палітолаг Павел Усаў.
Прастора для жыцьця і развіцьця для Расеі не патрэбна. Ей патрэбна прастора каб падавацца моцнай. Ня быць, а падавацца, для вонкавага сьвету. Каб быць моцнай дастаткова было б разьвіваць самую сябе: гаспадарку, грамадства, тэхналёгіі. На гэта ніколі ў Расеі не было ні ўнутранай волі, ні мазгоў. А вось захопліваць новыя тэрыторыя - была заўседы нейкая ненасытнае прагненьне.
Дык вось Беларусь (як і Украіна) пераўтвараецца ў гэтую прастору расейскага быцьця. Захопліваю пакуль існую, існую - пакуль захопліваю. А чакае Беларусь інтэнсіўная дэбеларусізацыя інтэлектуальная і этнічная. Сістэмная, па сутнасьці прымусовая эміграцыя этнічных беларусаў, пазбаўленьне грамадзянства (якое таксама неўзабаве можа стаць масавым) прывядзе да далейшай рассіянізацыі краіны.
На сеньняшні момант, з 9,2 млн., насельніцтва краіны каля 1 + млн, гэта расейцы. Частка зь йх беларусізавалася, але частка (як Караеў, Вальфовіч, Касыгін, Белаконеў і т.д.), стаяць на варце інтарэсаў імперыі, разам з русіфікаванымі, пазбаўленымі ўласнай нацыянальнай годнасьці жыхарамі Беларусі. Такіх, на жаль даволі шмат.
Але зараз выцісканьне беларускасьці ўзмоцніцца, так было пасьля паўстаньня 1831 і 1863, так было пасьля 1939 і 1945.
Новая хваля этнічнай дэканструкцы нацыі.
- Узмоцненая інтэрвенцыя расейскага бізнэсу;
- Набыцьце маёмасьць, якая за гэтыя гады для выхадцаў з Расеі фактычна каштуе дробезь;
- Звалка сацыяльных адходаў. Вагнераўцы толькі пачатак, потым можа яшчэ з’явіцца "Ахмат", "Факел" і г.д. Фактычна ўсіх нелаяльных Пуціну можна ссылаць у Беларусь, на службу, ці пенсію. Суравікіна можна прызначыць у ГШ ВС РБ;
- Расейцы пачнуць занімаць ключовыя пасады ў сістэме адукацыі, адміністрацыі, аховы здароў’я і г.д.,
- Мэтанакіраванае залюдненьне тэрыторыі краіны насельніцтвам з дэградавыных абшараў РФ: Заўральля, Далёкага Ўсходу, Каўказу;
Хутчэй за ўсе гэтым "пасяленцам" будуць аддаваць маёмасьць "неграмадзян", яны стануць новай сацыяльнай базай новага рэжыму. Як хутка гэты працэс стане масавым, пакуль не бяруся сказаць, але фактам ёсьць тое, што ён пачаўся - новы этап расейскай каланізацыі.
Добро пожаловать в реальность!