Chatham House: 18% гарадской моладзі Беларусі падтрымлівае расійскую агрэсію супраць Украіны.
Сацдаследаванне праводзілася 24 траўня — 2 чэрвеня з дапамогай інтэрнэт-інтэрв'ю (CAWI). У ім узялі ўдзел 683 жыхары беларускіх гарадоў ва ўзросце 18–35 гадоў. Вынікі прадставіў дырэктар "Беларускай ініцыятывы" Chatham House Рыгор Астапеня.
"Пэўна падтрымлівае" ваенныя дзеянні РФ ва Украіне 6% апытаных, "хутчэй падтрымлівае" — 12%.
"Пэўна не падтрымлівае" расійскую агрэсію 34% рэспандэнтаў, "хутчэй не падтрымлівае" — 16%. Яшчэ 33% не здолелі дакладна вызначыць свайго стаўлення да вайны.
Згодна з атрыманымі данымі, 32% маладых гараджан лічаць, што Беларусь павінна заявіць пра "поўны нейтралітэт" адносна падзей ва Украіне, вывесці са сваёй тэрыторыі "ўсе замежныя войскі" і "не выказвацца на карысць ніводнага з бакоў".
33% апытаных мяркуе, што ў вайне пераможа Расія, 16% — Украіна, 51% не здолеў даць пэўнага адказу.
62% удзельнікаў даследавання ўпэўнена, што "вайну трэба спыніць зараз, зафіксаваць сітуацыю <...> і шукаць кампраміс шляхам мірных перамоваў". 18% лічыць, што вайна павінна скончыцца "толькі пасля дасягнення Расіяй сваіх мэтаў", 15% — пасля дасягнення мэтаў Украінай.
Добро пожаловать в реальность!