21 траўня — Дзень салідарнасці з палітзняволенымі і чацвёртая гадавіна смерці Вітольда Ашурка, які загінуў у зняволенні. З гэтай нагоды Праваабарончы цэнтр «Вясна» і Аб’яднаны пераходны кабінет заклікаюць беларусаў замежжа далучацца да акцый салідарнасці.
Сёння ў турмах застаюцца сотні людзей. Сярод іх — цяжкахворыя, пажылыя, бацькі непаўналетніх, людзі з інваліднасцю. Стан многіх — крытычны. Некаторыя былі вызваленыя з цяжкімі дыягназамі, як, напрыклад, Ганна Кандраценка, якая неўзабаве памерла на волі. У зняволенні загінулі Вітольд Ашурак, Алесь Пушкін, Ігар Леднік, Мікалай Клімовіч і іншыя.
Першыя акцыі салідарнасці ўжо адбыліся. 11 траўня ў Бруселі, Бельгія, прайшла акцыя памяці. 16 траўня ў Гаазе, Нідэрланды, прайшла сустрэча пад назвай «Салідарнасць з палітвязнямі ў Беларусі».
18 траўня ў Вільні прайшоў забег «Бяжым за тых, хто не можа», які стартаваў ад будынка Сейму. Пасля забегу ўдзельнікі сабраліся на мітынг на Кафедральнай плошчы.
У Варшаве ў гэты ж дзень каля помніка Мікалаю Каперніку прайшла акцыя «Шлях да волі праз кайданы». 20 траўня ў Гданьску адбылася сустрэча з журналістам і былым зняволеным Алегам Груздзіловічам.
21 траўня ў Варшаве ў 17:00 адбудзецца сустрэча «Напішы ліст палітвязню» па адрасе Dożynkowa 6a. Удзел у ёй возьмуць Андрэй Гнёт і Марына Касінерава. А 18:00 у Музеі вольнай Беларусі (вул. Foksal 11) адкрыецца выстава «Нічога асабліва новага».
У Беластоку ў 18:00 акцыя салідарнасці пройдзе ў скверы Wolnej Białorusi (вул. Elektryczna 7). У Вільні ў 19:00 пачнецца «Вахта святла» каля амбасады Беларусі (вул. Mindaugo 13).
22 траўня ў Кракаве ў 17:30 адкрыецца выстава «Творчасць за кратамі», пасля якой адбудзецца дыскусія. Падзея пройдзе ў прасторы на вуліцы Mikołajska 4/6. У Вільні ў гэты ж дзень у 19:00 у тэатры Mroj-hall (Gedimino pr. 28) адбудзецца прэм’ера спектакля «Ордэн Белай Мышы». У Вроцлаве а 19:00 на вуліцы Tadeusza Kościuszki 35A адбудзецца падпісанне лістоў салідарнасці палітвязням.
23 траўня ў Познані пройдзе «Дзень палітвязня» — удзельнікі будуць пісаць лісты, глядзець дакументальнае кіно, размаўляць і дзяліцца гісторыямі. Сустрэча адбудзецца ў прасторы Rozbrat (вул. Pułaskiego 21A).
24 траўня ў Утрэхце, Нідэрланды, у 20:00 пачнецца вечар «Пяць гадоў барацьбы і рэпрэсіяў у Беларусі», які адбудзецца ў кнігарні Savannah Bay (вул. Telingstraat 13).
Праваабаронцы і надалей заклікаюць беларусаў у розных краінах ладзіць акцыі, сустрэчы, выставы і культурныя імпрэзы, каб нагадаць пра тых, хто сёння пазбаўлены волі за праўду і перакананні.
Даслаць навіну: @ex_presslive
Добро пожаловать в реальность!