У Вільні каля Сейму Літвы 25 сакавіка адбылася цырымонія ўзняцця беларускага нацыянальнага сцяга. Гэтая падзея была прымеркавана да гадавіны абвяшчэння незалежнасці Беларускай Народнай Рэспублікі.
Святлана Ціханоўская адзначыла:
— Беларусы зноў і зноў выносілі гэты сцяг на вуліцы, нягледзячы на забароны. І пакуль ён лунае, пакуль існуе беларуская мова і нашы саюзнікі, як Літва і іншыя еўрапейскія краіны, — Беларусь застанецца незалежнай.
Дэпутат літоўскага Сейму Жыгімантас Павілёніс падкрэсліў, што Беларусь — гэта еўрапейская краіна, і заклікаў беларусаў працягваць змаганне за сваю свабоду разам з Еўропай.
Пасля мітынгу ўдзельнікі ўшанавалі памяць тых, хто змагаўся за незалежнасць, на Алеі славы, дзе пасаджаны дрэвы ў гонар беларусаў.
На Дзень Волі Святлана Ціханоўская таксама выступіла ў Сейме Літвы. Яна падкрэсліла, што галоўная мэта беларусаў — вызваліцца ад расейскай акупацыі і рэжыму Лукашэнкі, вярнуўшы Беларусь у еўрапейскую супольнасць.
Даслаць навіну: @ex_presslive
Добро пожаловать в реальность!