9 верасня ў Варшаве разам сабраліся беларусы, украінцы, палякі, літоўцы і расіяне. Яны адзначалі Дзень беларускай вайсковай славы.
Акцыя была прымеркавана да гадавіны бітвы пад Оршай, дзе 8 верасня 1514 года супраць расіян змагаліся разам продкі беларусаў, палякаў і ўкраінцаў. Гэтую гістарычную падзею адзначаюць як Дзень беларускай вайсковай славы.
@expressby У Варшаве адбыўся марш і канцэрт да Дня беларускай вайсковай славы. #expressby #видеоновости #беларусывпольше #8верасня ♬ оригинальный звук - EX-PRESS.LIVE
Былі на маршы, прысвечаным Дню беларускай вайсковай славы, і людзі з бела-сіне-белым сцягам, сімвалам антываенных пратэстаў у Расіі пасля лютага 2022 года.
На вуліцах Варшавы гучалі вядомыя лозунгі беларускага пратэсту, асабліва моцна ў гэты дзень людзі крычалі: «Жыве Беларусь! Слава Украіне! Niech żyje polska!».
Сродкі, сабраныя падчас мерапрыемства, пойдуць беларускім добраахвотнікам ва Украіне.
Пасля маршу адбыўся святочны канцэрт, прысвечаны Дню беларускай вайсковай славы.
А потым адбыўся вялікі выступ музыкаў. Сярод тых, хто прыняў у ім удзел, гурт Dzieciuki, украінскі гурт ІЗЗІ, польскі спявак Mateusz Nagórski.
Да ўсіх удзельнікаў свята звярталіся вядомыя людзі Беларусі, Польшчы, Украіны. Яны казалі аб неабходнасці веры ў Перамогу над агульным ворагам і аб захаванні самаідэнтыфікацыі кожнай нацыянальнасці.
Хочаце даслаць навiну? Пiшыце: @ex_presslive.
Добро пожаловать в реальность!