У Міжнародны дзень моладзі 12 жніўня ў Вільні адбыўся кірмаш беларускіх арганізацый і ініцыятыў, рамеснікаў_ніц «RADA Market, які арганізаваў Беларускі нацыянальны моладзевы савет «РАДА».
Усю прастору тэатра Vilniaus klasika запоўнілі беларускія ініцыятывы. Ініцыятывы і арганізацыі — «Экадом», «Актыўным быць файна», «Новыя рэгіёны», «Цэнтр новых ідэй», «Вольныя паштоўкі», «Маладыя людзі+», «Міжнародны камітэт па расследаванні катаванняў», «Форум-тэатр «Адчуй», «Гэта ОКЕЙ» і многія іншыя прынялі ўдзел у кірмашы.
Адной з найбольш важных тэм на кірмашу сталі правы чалавека і палітвязні.
На стэндзе арганізацыі «Экадом» пісалі паштоўкі экалагічным актывістам, якія зараз за кратамі.
«Цэнтр новых ідэй» аналізуе экалагічную сітуацыю, адукацыю, медыцыну і іншыя аспекты гарадоў Беларусі і складае свой рэйтынг.
Таксама ініцыятыва прадставіла даследаванне «Што думаюць беларусы?» наконт розных рэчаў, якія хвалююць беларусаў — смяротнага пакарання, беларускай мовы і іншых.
На кірмашы можна было дазнацца пра беларускіх рамеснікаў і набыць іх прадукцыю.
Таксама на маркеце можна было тварыць! Увесь дзень на RADA market праходзілі майстар-класы.
Хочаце даслаць навiну? Пiшыце: @ex_presslive.
Добро пожаловать в реальность!