У знак салідарнасці з палітвязьнямі ў дворыку Беларускага Дома на вуліцы Kryniczna, 6 у Варшаве намалявалі мурал «Няскораных беларусаў». Ён быў спраектаваны і створаны камандай беларускіх мастакоў.
На мурале — партрэты беларускіх палітвязняў:
Павел Белавус — адзін з заснавальнікаў і былы дырэктар «Арт Сядзібы», стваральнік і кіраўнік крамы Symbal.by, культурніцкі мэнэджар і журналіст.
Дар’я Лосік — жонка палітзняволенага блогера Ігара Лосіка, маці маленькай дачкі Паўліны.
Наста Лойка — праваабаронца.
Алесь Бяляцкі — праваабаронца, заснавальнік праваабарончага цэнтра «Вясна», лаўрэат Нобелеўскай прэміі міру.
Мікалай Статкевіч — лідар партыі «Народная Грамада».
Кацярына Андрэева — беларуская журналістка.
Ідэя стварэння мурала належыць «Беларускаму Дому ў Варшаве». Мэта — «паказаць бок святла нягледзячы на цёмныя часы».
Яго прадстаўнікі гавораць:
— Мы абралі гэтых беларусаў і беларусак як сімвал няскоранай барацьбы за свабодную і дэмакратычную Беларусь.
 |
 |
На адкрыцці мурала выстуілі дымакратычная лідэрка Беларусі Святлана Ціханоўская, амбасадар рэспублікі Польшы Артур Міхальскі, палітык Павел Латушка, журналіст Ігар Кулей, кіраўнік «Беларускага дома ў Варшаве» Алесь Зарэмбюк.
Хочаце даслаць навiну? Пiшыце: @ex_presslive.
Добро пожаловать в реальность!