«Я быў бы шчаслівы вярнуцца ў Беларусь, але не па тваёй праграме». Што распавёў Мікіта Бялевіч шпіцу

У студыю «ПОЛ ПЕРВОГО» завітаў зорка беларускага TikTok Мікіта Бялевіч, аўтар і вядучы канала «Годная музыка».

Мікіта нарадзіўся і вырас у Бабруйску, жыў у Менску, вёў трэвел-блог на YouTube «Бусь Беларусь» і вучыў беларусаў ганарыцца сабой:

— Мая задача — паказаць, колькі крутога ёсць у Беларусі, колькі ўсяго класнага робяць беларусы і беларускі. Давайце ганарыцца тым, што мы самі ствараем.

Пасля арышту вясной 2022 года Мікіта пакінуў радзіму. Зараз жыве ў Літве.

Шпіц Чумка думаў запрасіць на сваю праграму Шуру з гурта Бі 2, спявачку Алесю альбо Руслана Аляхно, якія таксама нарадзіліся ў Бабруйску, але выбар паў на Мікіту Бялевіча.

Па словах блогера, яго родны Бабруйск, якому ён у праграме перадаў прывітанне, раней быў вельмі крымінальны:

— Маленькі Чыкага. Я раней гэтага ніколі не заўважаў, але былі моманты, калі я ішоў прыгожы, і нейкія людзі вырашалі выказаць сваё меркаванне пра мой выгляд ці маю арыентацыю, але гэта ніколі не пераходзіла мяжу. Я быў закалёны Бабруйскам і, дарэчы, люблю хэйт-каменты.

Падчас шоў шпіц прапанаваў Мікіце зрабіць новае турэмнае трэвэл шоў «Бусь Беларусь камбэк»:

— Можна 28 выпускаў зняць. Паедзеце ў Оршу, Віцьбу, Навасады. Я дамоўлюся.

На што Мікіта адказаў:

— Там камеры заўсёды пішуць. Гэта можа быць не толькі трэвал, але і рэаліці-шоў. Але думаю, мы яшчэ не гатовы.

Госць паўдзельнічаў у конкурсе: слухаў беларускі мэйнстрым і адгадваў, хто гэта выконвае.

Беларус адказвае:

— Досыць цяжка такое слухаць. Гэтым можна катаваць людзей! У мяне ёсць у галаве гэтыя імёны. Гэта з дзяцінства, калі тэлікам кіравала бабуля. Я аднойчы ехаў з Віцебска ў Менск на цягніку. З намі таксама ехаў Саладуха. Знешне ўсё крута, але ёсць элементы, якія крыпі вайб даюць. Ён быў у іншым купе, з голым торсам хадзіў, і там такія былі альфа-вібрацыі.

Увогуле, калі падпсіацца на Мікіту ў Instagram, то можна паглядзець, што ён публікуе:

— З беларускіх гуртоў хачу аддаць рэспект гуртам «Петля прыхільнасці», «РСП», «Intelligency», Сяргей Пукст. Спяваюць аб тым, што баліць.

Шпіц дадае:

— Чалавек, як я вычытаў, тое, што ён слухае. Ведаеш, што я слухаю? Грашовую мантру! Таму ў мяне столькі грошай, і золата.

На пытанне, што зараз модна, блогер кажа:

— Модна ўсё, што наадварот таму, што было модна раней. Здаровы лад жыцця, свядомасць, ёга, практыкі цялесныя, фемінізм, ЛГБТК. Усё добрае, усё, што рухае свет наперад і змяняе яго ў лепшы бок, усё, што твае старычкі паспелі сапсаваць. 

Шпіц Чумка спытаў госця, колькі ён ужо «ашываецца» за мяжой і якія праблемы мае:

Пра псіхатэрапію дадае наступнае:

— У мяне тэрапеўтка ёсць, займаюся часам, але гэта не чароўная палачка. Трэба разумець, што ў табе ёсць увесь рэсурс вырашыць усе пытанні. Часам проста няма магчымасці яго рэалізаваць.

Шпіц запытаў, калі Мікіта вернецца дадому, на што малады чалавек адказаў:

— Як будзе магчымасць і не будзе рызыкі трапіць з парога ў турму. Я быў бы шчаслівы вярнуцца ў Беларусь, але не па тваёй праграме.

Напрыканцы праграмы Мікіта Бялевіч пажадаў гледачам «ПОЛ ПЕРВОГО»:

— Жадаю, каб у наступным годзе Цмока (а я сам цмок, гэта мой год), атрымалася ўсё такім чынам, што ўсе, хто зараз за мяжой, але хоча вярнуцца дадому, змаглі гэта зрабіць і зрабіць бяспечна. Хто зараз у Беларусі за кратамі, маглі выйсці і асалодзіцца жыццём у Беларусі. Каб усім нам стала лепш і весялей!

Глядзець поўны выпуск: