Наталля жыве ў эміграцыі больш за паўтара гады, яна далучылася да актыўнага грамадскага і культурнага жыцця дыяспары і цяпер сама ладзіць цікавыя падзеі і мерапрыемствы. Дзяўчына распавяла EX-PRESS.BY, чаму яна карыстаецца аплікацыяй «Новая Беларусь» амаль з моманту яе стварэння.
«Культурніцкія падзеі мяне заўсёды цікавілі»
Наталля мае творчую адукацыю. У Беларусі дзяўчына скончыла Беларускі дзяржаўны ўніверсітэт культуры і мастацтваў, таму ў якой галіне і дзе б яна не працавала, ёй было цікава далучацца да культурных падзей. Зараз наша гераіня жыве ў Польшчы, падтрымлівае розныя праекты, удзельнічае ў імпрэзах і сама стварае мерапрыемствы:
— Больш за паўтара гады я знаходжуся ў эміграцыі, пераехала ва Ўроцлаў. Безумоўна, мне было цікава, як большасці эмігрантаў, якія трапляюць у іншыя гарады, бачыцца з беларусамі, знайсці месца, дзе можна сустракацца, знайсці для сябе нешта цікавае.
Калі трапляеш у іншы горад, разумееш, што ў цябе няма яшчэ любімых месцаў, кавярняў, якія былі ў родным горадзе. Няма любімых тэатраў, кінатэатраў, выстаў, за якімі ты сочыш. Усё эта вельмі важна для сацыялізацыі.
Як толькі беларуска пераехала ў Польшчу, знайшла для сябе некалькі рэсурсаў, у тым ліку аплікацыю «Новая Беларусь», дзе адсочвае падзеі, на якія ёй было цікава патрапіць:
— Культурніцкія падзеі мяне заўсёды цікавілі. Там я знаёмлюся з беларусамі, палякамі, людзьмі, якія прыязджаюць у наш горад, і такім чынам дазнаюся пра тое, што адбываецца вакол.
У тэму: Как «Новая Беларусь» меняет диаспору и беларусов в стране. 5 преимуществ цифрового объединения
На пытанне, як доўга Наталля выкарыстоўвае аплікацыю, адказвае:
— Амаль што з самага пачатку. Увогуле я сачу за абвесткамі, гляджу, калі з'яўляюцца цікавыя аплікацыі, артыкулы, кнігі, анлайн-перадачы і дзялюся гэтай інфармацыяй з іншымі людзьмі.
Дзяўчына прызнаецца, што выкарыстоўвае шмат рэсурсаў:
— Упэўнена, што будзе пашырацца кола тых, хто стварае і дадае абвесткі. Ідэя з папулярызацыяй гэтай аплікацыі і ідэя як мага хутчэй навучыць людзей дадаваць абвесткі ў аплікацыю і па сённяшні дзень актуальны. Вельмі спадзяюся, што «Новая Беларусь» будзе яшчэ больш напаўняцца новымі мерапрыемствамі.
На мой погляд, беларусы і беларускі ў розных гарадах вельмі актыўныя, шмат што робяць. Варта трапляць на гэтыя падзеі, каб адпачыць, пасмяяцца, паплакаць, абняцца, таму што «беларус беларусу — беларус». І «Новая Беларусь» таксама дапамагае гэтаму слогану існаваць.
— Хацелася, каб больш людзей прыходзілі на імпрэзы праз аплікацыю, — кажа Наталля. — За час карыстання «Новай Беларуссю» мы апублікавалі больш за 100 івэнтаў і абвестак. Вельмі папулярным былі апошнія дзве важныя сустрэчы: Х фестываль незалежнай беларускай культуры і «Ноч (не)растраляных паэтаў». На «Ноч паэтаў» зарэгістравалася шмат людзей. На жаль, колькасць была абмежаваная. Але мы заўсёды акцэнтуем увагу, уваход бясплатны ці не, абмежаваная колькасць месцаў ці не, ці можна з дзецьмі.
— Вялікую залу сабраў Мікіта Мелказёраў і Кацярына Ваданосава на занятках «Мова нанова», а таксама дыскусія са Святланай Ціханоўскай і Ўладзімірам Някляевым. Такіх сустрэч штодзень вельмі шмат, ёсць маленькія ініцыятывы, а ёсць вялікія форумы і фестывалі.
«Чым болей нас будзе, тым хутчэй споўніцца мара»
У аплікацыі «Новая Беларусь», як лічыць Наталля, шмат ёсць цікавых і карысных матэрыялаў:
— Альбо тэст прайду, альбо паслухаю беларускія падкасты. Шчыра кажучы, можна «заліпнуць». Вельмі раю гэта зрабіць — «заліпнуць», і ў добрым сэнсе «адліпнуць» ужо з папоўненай інфармацыяй галавой.
Цiкава, што Наталля выкарыстоўвае аплікацыю, калі вандруе ў іншыя гарады:
— Раю скарыстацца такімі момантамі. Можна адправіцца ў падарожжа ў іншы горад і трапіць на цікавую і доўгачаканую падзею.
Напрыклад, «Суполка беларусаў Уроцлава» вельмі актыўна праводзіць мерапрыемствы i спрабуе як на мага больш у такіх аплікацыях, на старонках, у сацсетках размяшчаць інфармацыю пра мерапрыемствы.
— Калі мы сустракаемся з беларусамі, часта чуем пытанне, адкуль даведацца, дзе знайсці, дзе даваць свае абвесткі. Мы зацікаўлены, каб інфармацыя распаўсюджвалася па розных крыніцах. Нехта сочыць за падзеямі на аплікацыі «Новая Беларусь», нехта — на Facebook альбо Instagram. Таму кожную навіну трэба дубляваць у розных інфармацыйных каналах.
Дзяўчына падкрэслівае, што важна, каб усе маглi камфортна i хутка дадаваць абвесткi:
— Я за тое, каб просты чалавек, які нават не прафесіянал, робіць нейкае мерапрыемства цi спатканне, мог лёгка дадаць яго.
У Наталлi ёсць запрашэнне да ўсіх беларусаў, якія чытаюць яе словы зараз:
— Калі ласка, падтрымлівайце адзін аднаго. Чым болей нас будзе, тым больш будзе ў нас на мерапрыемствах людзей, тым цікавей будуць гэтыя падзеі, тым хутчэй у нас споўніцца галоўная мара.
Беларуска кажа, што калі шмат людзей, думак, меркаванняў, то гэта цікава заўсёды:
— Запрашаю пампаваць не толькі «Новую Беларусь», але і ўвогуле беларускія праекты, бо ствараюць іх самыя таленавітыя людзі — беларусы і беларускі.
Спампаваць аплікацыю «Новая Беларусь»: Google Play ці Apple Store.
Добро пожаловать в реальность!