Да Чумкі ў студыю «Пол первого» завітала беларуская грузінка, спявачка, кампазітарка і акторка Кетэван Асраташвілі. Кэці нарадзілася ў Тбілісі ў сямʼі беларускі і грузіна. Калі дзяўчынке споўнілася 5 гадоў, разам з бацькамі яна пераехала ў Беларусь. Скончыла ў Менску акадэмію мастацтваў. У 2021 годзе была вымушаная зʼехаць з краіны. Зараз спявачка жыве ў Варшаве.
«Мне вельмі важна працягваць штосьці рабіць, калі я магу дапамагчы»
На праграме гераіня распавяла, што першы раз праспявала сваю песню ў Берасце. Кэтэван прызналася, што любіць адыходзіць ад правілаў:
— Свавольніца, заўсёды такая была. Хацела, але не паступіла ў Акадэмію ўнутраных спраў. А можа і трэба было паступіць, быў бы там свой чалавек. Гэта так я зараз думаю. Улічваючы мой характар, так бы і было. Але гэта не мой свет. Я трапіла туды на дзень адчыненых дзвярэй. Там быў такі гумар, было шмат людзей, усе рагочуць, а мне не смешна. Пабыла там 5-10 хвілін і пайшла.
Беларуска падкрэслівае, што ў Беларусі вельмі любяць рок-музыку:
— Людзям падабаецца выпускаць свае эмоцыі. Вельмі яны характарныя. Чым больш з беларусамі знаёмлюся, тым больш бачу ў іх унутраную лінію, якую яны будуць мець на ўвазе. Грузіны не будуць затойваць, а адразу скажуць. Гэта грузінская рыса ва мне ёсць, але часам я знаходжу, каб праглынуць, усміхнуцца, пайсці далей. І гэта беларускасць ва мне ёсць. Мне падабаецца гэтым карыстацца.
Посмотреть эту публикацию в Instagram
Кэтэван нарадзілася ў Тбілісі, пераехала ў Беларусь, — спачатку быў горад Барысаў, а потым Менск. У 2021 годзе пачалася яе эміграцыя: Кіеў, Гданьск, крышку Варшава, Вільнюс, потым вярнулася ў Варшаву, дзе зараз і жыве.
На пытанне шпіца, чаму не паехала ў Грузію, адказвае проста:
— Зразумела, я больш утульна сябе адчуваю сярод беларусаў. Я менавіта з-за беларускай тэмы з’ехала. Мне было важна працягваць гэту гісторыю, таму што я яе не скончыла. Мне трэба быць заўсёды ў пекле жыццёвым. Тут я знаходжуся побач з тым, што адбываецца, і мяне турбуе, з-за чаго ў мяне баліць сэрца. Магу дапамагаць у гэтых сітуацыях, я лічу сябе часцінай гэтага ўсяго. Мне вельмі важна працягваць штосьці рабіць, калі я магу дапамагчы.
Так, па словах гераіні, калі пачалася вайна, Кэтэван дапамагала на мяжы.
«Але я маці ўсіх, а не толькі Лявона»
Прыняла ўдзел у гульне шпіца «Меню», і аказалася, што больш любіць грузінскую кухню. Яна аддала перавагу большасці страў гэтай кухні, але з беларускай выбрала дранікі і боршч.
Калі казаць пра творчасць, то спявачка вельмі любіць песню «Месяц»:
— Словы пра Менск, пра дом. Напісала іх Паліна, а потым Даша Бялькевіч дапамагла з перакладам. Прадказальная аказалася песня.
@shpitskanal Песня «Месяц», якую @Ketevan спявае разам з Palina, атрымала на сёння 4 мільёна праглядаў. #belarusmusic #музыкібеларусі #артысты #рэкамендацыі ♬ оригинальный звук - ПОЛ ПЕРВОГО
На пытанне, як гэта быць маці Лявона Вольскага, адказала:
— Цудоўна! Але я маці ўсіх, а не толькі Лявона!
На Spotify спявачка мае 5 песень, але іх насамрэч больш:
— Я працую ў калабарацыі. Была ідэя музыку ствараць, тое, што падабаецца, а не збіраць тысячы. Песні, што нараджаюцца зараз, і гучаць па-іншаму, — трэба было пачакаць. Як добрае віно, трэба настаяцца.
Па словах спявачкі, у творчасці ўсё не зразумела.
Шпіц заўважыў, што ёсць у дзяўчыны і акторская кар’ера. На што Кэтэван адказала:
— Зараз граю ў спектаклі «Mozaika». Чытаем нашы гісторыі. Спачатку думалі, што для беларусаў толькі, але п’еса добра зайшла і палякам.
Пасля спектаклю ў Гданьску да акторкі падышоў мужчына:
— Абняў і падзякаваў, сказаў, што ў мяне ёсць такое адчуванне, што ў жыцці мы прапусцілі ўрок любові, а вы нам яго выкладаеце. Гэта былі самыя прыемныя і важныя словы, якія я пачула пасля выступу. Гэта важна, што людзі атрымліваюць і адчуваюць. Мне хочацца жыць па любові, але бывае такое, што я разумею, што такога не можа быць. Але потым вяртаюся і сама спрабую трансляваць гэту ідэю любові.
«Я б хацела перакраіць адукацыйную сістэму»
Дзяўчына распавяла эмігранцкія гісторыі і прызналася, што сумуе па былому, сваіх вуліцах, дзе часта хадзіла, па паху, які там ёсць. Гэта бярэ тое, што нельга. Я павінна мець магчымасць прыехаць.
Аказалася, што справы жыцця няма, а спявачка хоча проста быць добрым чалавекам:
— Калі я гляджу на сваіх сяброў, думаю, што можа я і нічога. Вярнуся ў Беларусь, буду працягваць займацца музычнымі і тэатральнымі справамі. Творчае заўсёды дапамагае. Мне хочацца працаваць з людзьмі і быць у творчасці, я б хацела перакраіць адукацыйную сістэму, працягваць пісаць песні і рабіць спектаклі.
Я лічу Беларусь такім месцам, дзе трэба ўсё рабіць спачатку.
Больш цікавага глядзіце на канале ПОЛ ПЕРВОГО.
@shpitskanal ШПИЦиальный взгляд на беларусскую реальность. 👀 Такого вы еще не видели и не слышали. 🔥 Подписывайся! ❤️#shpitskanal #belarusmusic #гумар #беларускіцікток #лукашэнка ♬ оригинальный звук - ПОЛ ПЕРВОГО
Падзяліцца меркаваннем: @ex_presslive
Добро пожаловать в реальность!