TuTak

«Зараз модна і крута быць самім сабой». Да Чумкі завітала стылістка Ганна Прышывалка

Яна распавяла, што (не) так з беларускімі дызайнерамі.

TuTak ex-press.by
0

У студыю «ПОЛ ПЕРВОГО» да Чумкі завітала персанальная стылістка Ганна Прышывалка. Разам са сваім мужам, музыкам з гурта «Разбітае сэрца пацана» Дзянісам Тарасенкам, і іх сынам, яны пераехалі з Мінска ў Кіеў, а затым, у сувязі з пачаткам ваенных дзеянняў, перабраліся ў Варшаву. Зараз Ганна дапамагае беларусам у арганізацыі іх гардэроба, а таксама пазбавіцца ад лішніх рэчаў і знайсці тыя, якія сапраўды патрэбныя.

«Быў час, калі нават у ЦУМе можна было нешта адшукаць»

Ганна нават калі замуж выходзіла, прынцыпова вырашыла не змяняць прозвішча. Па яе словах, вырашыла застацца Прышывалачкай. Пра моду і трэнды стылістка кажа наступнае:

— Зараз модна і крута быць самім сабой, адлюстроўваць сваю асабістасць. I ўжо вельмі цяжка казаць, што нешта з’яўляецца анцітрэндам. Прыгожае — вельмі адносная з’ява. Я лічу, што цікава, калі мы ўсе розныя. З беларускімі дызайнерамі ўсё добра. Я памятаю 2017, 2018, 2019 гады. Гэта быў рэнесанс, вуліца Кастрычніцкая, Галерэя «Ў». Я тады даведалася пра вялікую колькасць таленавітых дызайнераў, мастакоў, майстроў.

Ганна кажа, што быў час, калі нават у ЦУМе можна было нешта адшукаць:

— У «Марк Фармэль» у 2020 годзе былі прыгожыя цішоткі і шкарпэткі, панчохі. Калі выязджаеш за мяжу, то «Мілавіцу» можна было сустрэць такую, якую мы не бачылі дома ніколі. Калі б не «Элема», што б апраналі бабулькі нашы? Я не ведаю. У «Зару» б яны наўрад ці пайшлі. Яе, напэўна, зараз і няма.

Беларуска прызнаецца, што ёй крыўдна за невялічкія беларускія брэнды.

Dsc02425

Ганна Прышывалка. Фота: @shpitskanal

«Цікава было б са Святланай Ціханоўскай папрацаваць»

У практыцы Ганны былі такія кейсы, калі яна апранала вядомых палітычных асоб:

Не буду называць імёны. Але мне цікава было б са Святланай Ціханоўскай папрацаваць. У яе зараз, дарэчы, ёсць адна цішотачка, да якой я маю дачыненне.

Шпіц акцэнтуе ўвагу на адзенні Паўла Латушкі і Франака Вячоркі. Адзін ходзіць у старым паліто, якое шчэ набыў на зніжках у Варшаве, а другі грамадскі дзеяч — у чаравіках, якія падаравалі яшчэ на дзень нараджэння.

Стылістка адказвае:

— Яны справамі займаюцца, няма часу на гэта. Ён можа за Ангелай Меркель паўтарыў. Яна неяк казала, што ў адным паліто хадзіла некалькі гадоў. Нічога тут саромнага няма.

@shpitskanal Гардэроб Паўла Латушкі і Франака Вячоркі разбіраюць фэшн-стылістка Ганна Прышывалка і Чумка #беларусывпольше #тихановская #разборгардероба #shpitskanal @Павел Латушко ♬ оригинальный звук - ПОЛ ПЕРВОГО

Пра вядомых палітыкаў дадае:

— Нават уяўляю той дзень, калі мы пабачым спадара Зяленскага ў вышыванцы прыгожай. Яму нават не патрэбна будзе нам нічога казаць, мы ўсё зразумеем. Каб не вайна, я б засталася ва Украіне. Там рай для стылістаў. Гэта адна з самых модных краін. Кіеў — Мека. Усе прыгожыя, усё развіваецца, я там, як рыбка была ў вадзе. Чакаем, калі сітуацыя зменіцца.

Dsc02444

Ганна Прышывалка і Чумка. Фота: @shpitskanal

«З пачуццём густу ў беларусаў усё вельмі-вельмі добра»

Зараз Ганна вядзе ютуб-шоў «Я не договорила»

— Я там аказалася выпадкова. Як казала мая бабуля, у мяне язык без костак, не баліць, не ламаецца. Тут знайшлася другая дзяўчына. Мы бяром вельмі важныя тэмы, розныя. Застаецца такое ўражанне, што можна было б і яшчэ пагаварыць. Пакідаем зазорчык, каб людзі падумалі. Мы імкнёмся, каб нас па большасці глядзелі тыя, хто зараз у Беларусі знаходзяцца.

На пытанне шпіца, чаму беларусы не любяць яскравае адзенне і аддаюць перавагу шэраму, стылістка адказвае:

— Мне здаецца, з пачуццём густу ў беларусаў усё вельмі-вельмі добра. Мне падаецца, палякі апранаюцца, так, напрыклад, што ім усё роўна. Што з шафы вывалілася, тое і апранулі. Ва ўкраінцаў іншы перакос: яны надта стараюцца ва ўсім, і ў макіяжы, і ў адзенні. Быццам з подыума сышлі. Гэта таксама такая не заўсёды добрая сітуацыя. А мы, беларусачкі, умеем акуратна, інтэлігентна, шляхетна сябе апрануць.

У нас ёсць якасць такая — для нас важна, што пра нас падумаюць. Зараз мы вучымся змяняць гэта. Але гэта добра ўплывае на стыль. Мы больш задумваемся, куды ідзём, як там больш адпаведна выглядаць. Наўрад ці ў тэатр прыйдзем у сланцах і шортах. Ёсць у нас пачуццё адпаведнасці, густу. Мы разумеем, як і ў якой сітуацыі выглядаць.

Зараз амаль кожны другі запыт: зрабіць такі гардэроб, каб ён змяшчаўся ў адну валізу:

— Я двойчы пераязджала, і гэта трагедыя. Люблю адзенне. Было крыўдна за спадніцы, сукенкі і ўпрыгожанні, якія пакінула ва Украіне. Ёсць такі прыём — капсульны гардэроб. Ён дапамагае мець усяго адну валізу рэчаў.

Ганна разабрала гардэроб Чумкі, паставіла адзнаку «5» і прызналася:

— Ты мяне натхняеш размаўляць па-беларуску. Гэта шыкоўны момант.

 
 
 
Посмотреть эту публикацию в Instagram
 
 
 

Публикация от ПОЛ ПЕРВОГО (@shpitskanal)

 

«Мы можам заявіць пра сябе гучна»

У 2023 годзе разам з сяброўкай і партнёркай Вольгай Кучарэнка Ганна вырашыла адраджаць беларускую моду:

— Так здарылася, што тут зараз багата нашых дызайнераў, стылістаў, майстроў, рамеснікаў, фатографаў, мадэляў, стылістаў па валасах, па макіяжы. У нас атрымалася арганізаваць Незалежную модную суполку. Мы нікому не належым. Мы рабілі розныя мерапрыемствы: фэшн-пікнік, на Хэлоўін зрабілі вялікае свята з паказамі беларускіх дызайнераў. Зараз больш накіраваны, каб аб’ядноўвацца, рабіць нешта нават у эміграцыі. Мы працягваем гісторыю развіцця беларускай моды. Мы можам заявіць пра сябе гучна. Упэўнена, што мы зможам заявіць пра сябе не толькі ў межах Польшчы, але пра нас яшчэ ўвесь сусвет пачуе.

Ганна прызнаецца, што не была яшчэ ні ў Парыжы, ні ў Нью-Ёрку, ні ў Мілане, ні ў Лондане, ні нават у Капенгагене:

— Мару пра гэта, вельмі хацелася б на паказ моды трапіць туды.

Пра мару жыцця дадае таксама:

— Асабліва апошні час мару апынуцца ў адным месцы ў Беларусі. Ёсць такое месца, цячэ там рэчка ВІлія, месца Вілейка называецца. Ёсць там хутарок, маё месца моцы, дзе шмат часу з сынам праводзіла ўлетку. Вельмі хачу там апынуцца.

Dsc02410

Ганна Прышывалка і Чумка. Фота: @shpitskanal

Падзяліцца меркаваннем: @ex_presslive

EX-PRESS.BY
Подпишитесь на канал ex-press.live в Telegram и будьте в курсе самых актуальных событий Борисова, Жодино, страны и мира.
Добро пожаловать в реальность!
Темы:
вымушаная эмiграцыя
беларусы
Чумка
Пол Первого
стылістка
Прышывалка
Если вы заметили ошибку в тексте новости, пожалуйста, выделите её и нажмите Ctrl+Enter
ПОСЛЕДНИЕ НОВОСТИ
Экономика
Белорусская экономика споткнулась о «Великий камень»
В мире
Пастухов: Если тенденция продлится, то небоевые потери российского генералитета от ударов ФСБ вскоре превысят боевые потери от ударов ВСУ
Общество
Вторая «уголовка» за месяц. Политзаключенный Дмитрий Дашкевич должен был выйти в июле
Политика
«Всегда можно обменять запчасти для самолета на Колесникову и Бабарико. И много еще каких хороших людей»
В мире
Чернышев: «Не надо использовать такое хорошее местоимение не по назначению. Оставьте его нашистам»
В мире
Несмиян: «России нужно убеждать Украину на перемирие, причем по возможности срочно»
Общество
В Беларуси проблемы с доступом к VPN. Павел Либер прокомментировал ситуацию
Политика
"Колоссальная явка, которая уже превышает количество населения Беларуси более чем в два раза". Начались выборы в КР
В мире
Сикорский: Россия не применит ядерное оружие — США предупредили о последствиях
Политика
Дональд Туск: Открытие погранперехода с Беларусью в Бобровниках возможно
ВСЕ НОВОСТИ
ПОСЛЕДНИЕ НОВОСТИ
Экономика
Белорусская экономика споткнулась о «Великий камень»
В мире
Пастухов: Если тенденция продлится, то небоевые потери российского генералитета от ударов ФСБ вскоре превысят боевые потери от ударов ВСУ
Общество
Вторая «уголовка» за месяц. Политзаключенный Дмитрий Дашкевич должен был выйти в июле
Политика
«Всегда можно обменять запчасти для самолета на Колесникову и Бабарико. И много еще каких хороших людей»
В мире
Чернышев: «Не надо использовать такое хорошее местоимение не по назначению. Оставьте его нашистам»
В мире
Несмиян: «России нужно убеждать Украину на перемирие, причем по возможности срочно»
Общество
В Беларуси проблемы с доступом к VPN. Павел Либер прокомментировал ситуацию
Политика
"Колоссальная явка, которая уже превышает количество населения Беларуси более чем в два раза". Начались выборы в КР
В мире
Сикорский: Россия не применит ядерное оружие — США предупредили о последствиях
Политика
Дональд Туск: Открытие погранперехода с Беларусью в Бобровниках возможно
ВСЕ НОВОСТИ