Андрэй Янушкевіч адкрыў у варшаўскім раёне Прага кнігарню «Кнігаўка». Выдавец верыць, што гэтае месца стане прыцягальным для тых, хто цікавіцца беларускай культурай і беларускімі кнігамі, шануе іх. Будуць выдавацца новыя цікавыя кнігі. І абавязкова будуць адбывацца цікавыя сустрэчы.
Выдавецтва «Янушкевіч» заснавана ў Беларусі ў сакавіку 2014 года гісторыкам Андрэем Янушкевічам і яго аднадумцамі і спецыялізуецца пераважна на беларускамоўнай літаратуры, сярод якой выданні беларускай, замежнай перакладной і гістарычнай літаратуры.
У сакавіку 2022 году выдаўцоў пазбавілі арандаванага офісу, у траўні таго ж году сілавікі прыйшлі з ператрусам у кнігарню «Кнігаўка». Тады канфіскавалі 200 кніг, 15 найменняў адправілі на экспэртызу на наяўнасьць у іх «прыкмет экстрэмізму». Дырэктара выдавецтва Андрэя Янушкевіча і супрацоўніцу крамы Насту Карнацкую арыштавалі на 28 і 23 дні адпаведна. Пасля вызвалення Андрэй Янушкевіч вымушана з'ехаў з Беларусі ў Польшчу.
10 студзеня 2023 году выдавецтва «Янушкевіч» пазбавілі ліцэнзіі і права выдаваць кнігі ў Рэспубліцы Беларусь.
За паўгода ў межах праекту «Беларускія магістраты» сабралі больш за 20 тысяч еўра, неабходныя для аднаўлення ў Польшчы дзейнасці выдавецтва.
Варшаўская крама «Кнігаўка» ажыццяўляе паштовую дастаўку і ў Беларусь (па замове на сайце).
Падзяліцца меркаваннем: @ex_presslive
Добро пожаловать в реальность!