Першая госця новага YouTube-шоў «Пол первого» — дарадца офіса Святланы Ціханоўскай па юрыдычных пытаннях Крысціна Рыхтэр — завітала да шпіца Чумкі. З ёй сабака размаўляў пра новыя пашпарты і рэформу беларускіх судоў, кампенсацыі пацярпелым ад рэжыма і ўмовы вяртання, упарта дапытваўся, ці вернецца беларуска. Яны нават пафантазіравалі, якіх палітыкаў у Беларусі трэба пасадзіць або апраўдаць.
Крысціна Рыхтэр 10 гадоў практыкуе права, і ў апошнія гады працуе не толькі з нацыянальнымі, але і з міжнароднымі механізмамі абароны правоў чалавека.
Агульнага паміж Крысцінай і шпіцам шмат: ён таксама часта парады дае, самі ведаеце каму, але Крысціна прызналася, што першы раз размаўляе з сабакам жывым.
Беларуска распавяла пра кампенсацыю шкоды рэпрэсаваным:
— Дакумент канцэпцыі кампенсацыі шкоды рэпрэсаваным асобам, дапамогі пацярпелым ад рэжыму, — гэта не пра грошы, але пра тое, як аднавіць правы, таму што рэжым парушыў іх. Трэба зрабіць такі працэс, пры якім гэтыя правы будуць адноўлены: вярнуць тое, што было канфіскавана, людзі выйдуць з турмаў, іх адновяць у працы, ва ўніверсітэтах, дзе былі адлічаны. Гэта пра тое, каб дзяржава заявіла тое, што парушэнні былі.
Пра камісію па вяртанні
— Я лічу, што гэта нешта не сапраўднае. Я хачу вяртацца не ў тыя ўмовы, якія прапаноўваюцца. Павінен працаваць прынцып справядлівага суда. Базава ўсе — не злачынцы. Калі ёсць доказы таго, што чалавек здзейсніў злачынства, ён павінен быць пакараны. Усё павінна базавацца на рэальных доказах таго, што людзі здзейснілі.
На пытанне шпіца, па якіх пытання часцей звяртаюцца да юрысткі, беларуска адказвае наступнае:
— Бывае, людзі звяртаюцца па пытаннях дакументаў, па пытаннях прыцягнення да адказнасці рэжыму Лукашэнкі, калі ёсць арышты лініі Інтэрпола, калі рэжым выкарыстоўвае гэты механізм, каб затрымаць людзей.
Пра сябе асабіста дзяўчына дадае:
— Я вярнуся, але табе трэба спачатку пакусаць свайго гаспадара так моцна, каб ён сышоў, і мы правялі дэмакратычныя выбары ў Беларусі.
Нагадваем, што неўзабаве выйдзе выпуск з блогерам Мікітам Мелказёравым. Будзе горача! Таксама вас чакае рубрыка «Гарачая лінія», у якой шпіц адказвае на актуальныя пытанні нашых гледачоў і глядачак.
Сачыце за праектам на YouTube: @shpitskanal
Добро пожаловать в реальность!