У чацвер, 2 лістапада, адбудзецца музычны перформанс, а ў суботу, 4 лістапада, — адкрыццё выставы «Dziady: Sapraŭdnaja Archaika». Усе падзеі прысвечаныя старажытнаму святу Дзяды, якое, напрыклад, у Польшчы святкуецца на дзяржаўным узроўні і вельмі сур’ёзна.
«Для поўнага паглыблення ў атмасферу архаікі і этнікі»
Гэты праект стварае глебу для асэнсавання нашых агульных каранёў і гісторыі, як польскай, беларускай і ўкраінскай, глыбінны сінтэз культур і мастацкага яднання.
Будуць прадстаўлены фота і мастацкія працы, за апошнія 20 гадоў, а таксама, вялікі перформанс і інсталяцыя, спецыяльны музычны эмбіент-твор, створаны для поўнага паглыблення ў атмасферу архаікі і этнікі.
Арганізуюць выставу мастак, музыка і заснавальнік гурта «ZNICH», арганізатар і стваральнік аднаго з буйнейшых фестываляў Беларусі «Купальскае Кола» Алесь Таболіч і мастак, музыка гурта «ZNICH», кампазiтар Вітаўтас Кашкурэвіч.
Культурны арт-праект «Dziady: Sapraŭdnaja Archaika» cтвараецца мастакамі для ўсіх беларусаў.
Выставу можна адшукаць тут: pl. Konstytucji, 6.
Адкрыццё: 4 лістапада а 18:00.
«Каб людзі прыйшлі адпачнуць ад палітычных поглядаў і знайшлі беларускую душу»
Пра канцэрт і тэатралізаваная свята Алесь Таболіч кажа наступнае:
— Ідэя такая, што свята Дзяды святкуецца не толькі ў Беларусі і ва Ўкраіне, але і ў Польшчы на дзяржаўным узроўні. Мы ведаем, што гэта паганская свята, але з часоў Вялікага княства Літоўскага гэта ўсё было агульным. Я хачу зрабіць гэтае свята новай культурніцкай прасторай: інтэграваная беларуская культура ў Польшчы. Паказаць свае думкі наконт тэатралізаванага дзядоўскага перформанса.
Канцэрт будзе ў беларускім клубе, а выстава — у былым маладзёжным Хабе. Там будзем рабіць культурніцкую падзею, гэта будзе фотадызайн і інсталяцыі, і жывапіс, і розныя цікавыя рэчы, якія звязаны з паганскім светапоглядам. Гэта наша памкненне зрабіць культуру ў культуры. Не палітычную, а культуру для ўсіх. Каб людзі прыйшлі адпачнуць ад палітычных поглядаў і знайшлі беларускую душу.
Канцэрт будзе таксама тэатралізавана суправаджацца: на другім паверсе будуць працаваць дыджэі Dj Ethno і Dj Kamil: украінцы і палякі, якія будуць рабіць транс-музыку і тэхна-музыку. Мы будзем граць блэк-фолк мэтал на першым паверсе. Упершыню будзе такое спалучэнне: новая музыка з метал-музыкай ствараюць агульнае свята.
Канцэрт пачнецца 2 лістапада а 19.00
Адрас: Scena Chmielna, Novy Swiat, 27A.
Хочаце даслаць навiну? Пiшыце: @ex_presslive.
Добро пожаловать в реальность!