27 сакавіка ва ўсім свеце адзначалі Дзень Тэатра. Фестывалі, прэм'еры і яркія пастаноўкі пракаціліся па шматлікіх гарадах. EX-PRESS.BY віншуе ўсіх беларускіх актораў і нагадвае пра праект «Малус», які стварыў барысаўчанін Кірыл Стаселька. Зараз стартаваў трэці сезон літаратурнага падкаста, які агучваюць Купалаўцы.
Як кажа пісьменнік і грамадскі дзеяч Кірыл Стаселька, «Малус» — гэта праект, які робіць сучасную беларускую літаратуру даступнай бясплатна, кожнаму і паўсюль:
— Мы намагаемся пераадолець складанасці і абмежаванні, якія паўсталі перад беларускай культурай у сувязі са знішчэннем літаратурнай інфраструктуры ў самой Беларусі ды вымушанай эміграцыі як творцаў, так і іх аўдыторыі.
Пра праект
Праект «Малус» з’явіўся ў 2022 годзе і ўяўляе сабой падкаст, дзе кожны эпізод — гэта асобнае апавяданне, асобная нетрывіяльная і цікавая гісторыя. Сярод Купалаўцаў, якія агучылі эпізоды — Алег Гарбуз, Крысціна Дробыш, Міхась Зуй і Сяргей Чуб.
Трэці сезон пачынаецца з выпуска «Слёзы па 2/11» — неверагоднай гісторыі загадкавай зніклай цывілізацыі, дзе папера была не проста матэрыялам, але яе цэнтральным элементам.
Першы выпуск новага сезону ўжо можна праслухаць на ўсіх асноўных пляцоўках.
Даслаць сваю навіну: @ex_presslive
Добро пожаловать в реальность!