Пасля падзей 2020 года ў Беларусі паэтка Ганна Комар правяла дзевяць дзён у СІЗА на Акрэсціна, пасля чаго эмігравала. Атрымаўшы ступень магістра ў Лонданскім універсітэце, зараз яна піша доктарскую дысертацыю. Яе вершы ўжо выдаваліся ў Лондане і Берліне. Зараз Ганна прэзентавала сваю новую кнігу дакументальнай прозы.
Кніга «Калі я выйду на волю» была апублікавана ў лонданскім выдавецтве «Скарына». Яна была выдадзена дзякуючы падтрымцы праекту Еўразвяза EU4Culture. Аўтар адзначыла, што без гэтай падтрымкі выхад кнігі быў бы немагчымым.
На імпрэзу ў Тбілісі прыйшлі прадстаўнікі беларускай дыяспары. Ганна расказала, што кніга не толькі пра яе ўласны досвед, але і пра мноства людзей, якія перажылі падобныя падзеі.
Усе атрыманыя сродкі ад продажу кнігі будуць накіраваныя на дапамогу рэпрэсаваным грамадзянам Беларусі.
Кнігу «Калі я выйду на волю» можна набыць у кнігарні «Кнігаўка» ў Варшаве, у Беларускім Хабе «Новая Зямля» ў Беластоку, а таксама праз лонданскае выдавецтва «Skaryna Press».
Падзяліцца меркаваннем ці даслаць сваю навіну: @ex_presslive
Добро пожаловать в реальность!