У Польшчы людзей заклікаюць не купляць шмат свечак і штучных кветак на могілках, а таксама просяць абмяжоўваць выкарыстанне хімікатаў і падзяляць адходы пры ўборцы надмагілляў.
«Менш смецця — больш памяці»
Дабрачынная арганізацыя Каталіцкай царквы Сaritas заклікае палякаў далучыцца да акцыі «Менш смецця — больш памяці».
У краіне святкуецца Дзень усіх святых, і арганізацыя заклікае не купляць зашмат свечак і штучных кветак. Безумоўна, цяжка абысці акцыі, калі, напрыклад, на свечкі ці ліхтарыкі зніжкі (і так у кожнай сеткавай краме). Акцыя 2+1 ці 3+1, як тут заплюшчыць вочы на такое. Вось і атрымліваецца, што ў супермаркетах акцыі і прывабныя для пакупніка кошты, а потым на могілках кілаграмы адкідаў. Трэба трымаць сябе ў руках і думаць пра будучыню, а не пра акцыі і зніжкі. Быць свядомым, нават калі побач усе бяруць па 10 свечак і ліхтароў.
Сустрэць свята можна і без адходаў і шкоды навакольнаму асяроддзю. Замест штучных кветак і вянкоў, можна купіць сапраўдныя жывыя кветкі. Выбар такіх вялізны, дэфіцыту няма. У гэтыя дні важна памятаць аб галоўным — малітва і памяць аб памерлых, а не горы пластыкавых кветак на могілках.
Таксама Сaritas заклікае абмяжоўваць выкарыстанне хімікатаў і падзяляць адходы пры ўборцы надмагілляў.
Пластыкавыя кветкі на могілках небяспечныя для прыроды і людзей.
— Тэрмін раскладання штучных кветак — сотні гадоў, — нагадвае экаактывiстка з Барысава. — Ix немагчыма перапрацаваць. Пры іх спальванні ў навакольнае асяроддзе выдзяляюцца цяжкія металы і дыяксіны, якія негатыўна ўплываюць на здароўе людзей. Таксічныя рэчывы забруджваюць глебу, паветра і грунтавыя воды.
Памятайце, што існуюць альтэрнатывы штучным кветкам, а нашы продкі ўвогуле не выкарыстоўвалі падобнае.
Хочаце даслаць навiну ці пытанне? Пiшыце: @ex_presslive.
Добро пожаловать в реальность!