Выстава «Сэрца ў выгнанні» беларускай мастачкі Наталлі Борд адкрылася ў Цэнтры культуры, спорту і турызму горада Кальварыя-Зебжыдоўска ў Польшчы.
Беларуская мастачка Наталля Борд была гераіняй нашага праекта «ТuТак». Пра барацьбу за незалежнасць радзімы, пра яе творчасць і лёс мы расказвалі ў 2022 годзе.
Яе барацьба пачалася яшчэ ў далёкім 2001 годзе. На 9 мая 2014 года яна выйшла з плакатам «Не — пуцінскай вайне з Украінай». За гэта атрымала трое сутак і вялізны штраф.
Выстаўка складаецца з жывапісных і каляровых кампазіцый. Некаторыя з іх створаны яшчэ ў Беларусі. А большасць работ напісана ўжо ў Польшчы, у горадзе Кальварыя-Зебжыдоўска.
Прадставіць выставу сваіх работ Наталлі Борд прапанаваў мясцовы аддзел культуры — і зладзiў яе цалкам.
Дарэчы, горад, у якім размясцілася мастачка, мае старажытную гісторыю, знаходзіцца за 40 кіламетраў ад любімага турыстамі Кракава. Тут, сярод утульных маляўнічых узгоркаў знаходзіцца адзін з самых папулярных цэнтраў паломніцтва ў Польшчы — манастырскі комплекс Кальварыя-Зебжыдоўска, гісторыя якога пачалася ў 1600 годзе.
Наталля вельмі гарманічна адчувае сябе тут. Яна праводзіць майстар-класы па фларыстыцы.
Наталля піша карціны і па-ранейшаму вельмі шмат разважае пра сваю Беларусь. Але вайна Расіі супраць Украіны таксама есць у творчасці Наталлі.
Наталля назвала выставу «Сэрца ў выгнанні»... Дзякуючы яе працам, вобразам, якія прадстаўлены на іх, глядач дакранаецца і да беларускай культуры.
Наталля ўдзячна Польшчы, у якой жыве. Вельмі пакутуе з-за вайны ва Украіне і з-за немагчымасці жыць і быць вольнай у сябе ў Беларусі.
11 сакавіка, 16:00, у Кракаве на вул. Кракаўская 19 адбудзецца адкрыццё яшчэ адной выставы беларускай мастачкі Наталлі Борд пад назвай «Зьнітаваньне».
Добро пожаловать в реальность!