Уздоўж аднаго з участкаў мяжы з Беларуссю польскія фермеры разлілі свіны гной. Так яны спадзяюцца адпудзіць парушальнікаў-мусульманаў ад спробаў незаконна трапіць у Еўрасаюз, піша Еўрарадыё.
Відэа акцыі з'явілася на старонцы Агульнапольскага пратэсту фермераў (OOPR) у сацсетцы X.
У каментары выданню Wirtualna Polska адзін з удзельнікаў патлумачыў: "Мы пачынаем паліваць памежную паласу на польска-беларускай мяжы свіным гноем. Гэтым мы паказваем, што салідарныя з нашымі сілавымі структурамі. Мы пакажам уладам, як трэба абараняць нашу тэрыторыю".
Фермеры мяркуюць, што перасякаць залітую свіным гноем паласу не стануць мігранты, якія вызнаюць іслам (яны лічаць свінню нячыстай жывёлай). А такія мігранты, на думку пратэстоўцаў, складаюць большасць сярод мігрантаў.
Добро пожаловать в реальность!