Беларуская сям’я далучылася да свята «Субота з Зялёным Уроцлавам» і распавяла EX-PRESS.BY, як праходзіць сямейны пікнік у Польшчы.
#TogetherToTheGoal
На фэсце можна было атрымаць хатнiя кветкi ў абмен на электронныя адходы. Палякi даволi актыўна здавалi старую тэхнiку i электронiку.
У парку арганiзавалi дзясяткi гульняў і майстар-класаў. Госці з цiкаўнасцю знаёмiлicя з экалагічнымi гарадскімi праектамi, дарослыя і дзеці далучалicя да ёгi на адкрытым паветры, a потым чакалi «Кола фартуны» i змагалicя за галоўныя прызы — электрасамакат і ровар.
Маштабны эка-пікнік адбываўся пад лозунгам #TogetherToTheGoal (разам — да мэты).
Барысаўчанка Вольга* кажа, што раней яна на такiя фестывалi не трапляла. Разам з мужам яны здалi непатрэбныя блэндар, кавамолку, калонку. Замест гэтага электроннага смецця яны атрымалi ліставыя кветкі (увогуле iх было 700 штук).
Дзецям спадабалicя майстэрні па перапрацоўцы адкiдаў, майстар-класы аб тым, як не выкідваць ежу, даглядаць за раслiнамi, сартаваць смецце. Было шмат майстар-класаў для дзяцей, гульняў.
«Выйграць можна было квiток у аквапарк, плед, бясплатны занятак у школе танцаў»
— Мы былі ў прыемным шоку ад размаху пікніка. Столькі актыўнасцей, падарункаў, прызоў. Напрыклад, пакруціць на велатрэнажоры каля 5 хвілін — торбачка для тэлефона на ровар, адказаць на пытанні аб прыродзе і камарах — экаторба з тканiны, лавандавы водар або маскітная сетка ў падарунак. Таксама за адказы на пытанні дарылі жывую лаванду ў гаршках, — кажа беларуска.
Тыя, хто прыносілі непатрэбную электроніку і бытавую тэхніку, атрымлівалі кветкі ў падарунак. Для дзяцей было шмат конкурсаў. Для ўсіх быў арганізаваны квэст: трэба было сабраць 5 пячатак на розных станцыях, потым пачакаць у чарзе і пакруціць кола фартуны. Выйграць можна было квiток у аквапарк, плед, бясплатны занятак у школе танцаў, торбу з прыемнымі падарункамі ад фундатара, драўляныя галаваломкі і іншае.
Вольга падкрэслiвае, што дзеці з задавальненнем саджалі хатнія расліны, угадвалі, з якога насення якая гародніна вырастае:
— На захапляльнай зоне з драўлянымі скрынямi для смецця і відамі смецця вучыліся сартаваць яго, з непатрэбных матэрыялаў рабілі новыя DIY-рэчы. Для сем'яў з дзецьмі рознага ўзросту былі арганізаваны традыцыйныя актыўнасці на свежым паветры. Дзецям запляталі афракасічкі, таксама жадаючыя бралі ўдзел у віктарынах ад аквапарку і іншых партнёраў.
Дадому беларусы вярнуліся з прыемнымi i патрэбнымi падарункамi: шоперамi, экакубкамi, маскiтнай сеткай i торбачкай на ровар.
*iмя зменена
Хочаце даслаць навiну? Пiшыце: @ex_presslive.
Добро пожаловать в реальность!