Беларуская мастачка і паэтка Наталля Хвоя рыхтуе да выдання кнігу «Тры кроплі». Ёй патрэбная наша падтрымка

Беларускую мастачку Наталлю Хвою многія ведаюць па яе прынцыповай грамадзянскай пазіцыі і антываенных акцыях.

EX-PRESS.LIVE пісаў яе гісторыю у 2022 годзе, а у 2026 яна стала гераіняй нашага праекту "Вау, Ба". Гэта па-сапраўднаму гераічная жанчына. Яшчэ ў 2014 годзе, калі Расія анексавала Крым і пачала вайну на Данбасе, яна адной з першых у Беларусі адкрыта выступіла супраць агрэсіі. Наталля выйшла ў Нясвіжы з плакатам «Не пуцінскай вайне ва Ўкраіне!». За мірны пратэст яе затрымалі, некалькі дзён утрымлівалі ў падвале райаддзела міліцыі і аштрафавалі на значную суму.

Пасля гэтага Наталля працягвала падтрымліваць Беларусь і Украіну сваёй творчасцю, стварала карціны і плакаты супраць вайны, абараняла беларускую мову, культуру і хрысціянскія каштоўнасці.

Сёння Наталля жыве ў Польшчы, арганізуе выставы сваіх работ і рыхтуе да друку кнігу «Тры кроплі» — зборнік беларускіх вершаў і аўтарскіх ілюстрацый. Рукапіс ужо адрэдагаваны і цалкам падрыхтаваны да выдання. Аднак для таго, каб кніга пабачыла свет, неабходна сабраць сродкі на друк.

Мы можам падтрымаць Наталлю, кожны па-свойму: данатам, перапостам, расповедам пра праект сябрам і знаёмым, добрым словам або малітвай.

Публікуем адзін з вершаў, якія ўвойдуць у зборнік «Тры кроплі».

Калі вы хочаце падтрымаць выданне кнігі «Тры кроплі», вось спасылка на збор.  Кожны ўнёсак набліжае дзень, калі гэтыя вершы і малюнкі трапяць да сваіх чытачоў і чытачак.