На імпрэзе ў Варшаве выступяць беларуска-польскія гурты ZNICH і RELIKT, а таксама польскія — DERWANA і SYRBSKI JEB. Музычнае свята адбудзецца ў знакамітым бары «Scena Chmielna», які стварылі беларусы.
RELIKT — беларускі гурт, які гарманічна спалучае моцную энергетыку з наватарскім гукам. Relikt (да 2019 стылізаваны пад Re1ikt) — гурт стылістычна звязаны з такімі жанрамі, як прагрэсіўны рок, пост-метал, арт-рок і альтэрнатыўны рок. Аднак Relikt спалучае сучасныя музычныя плыні з традыцыйным беларускім фальклорам, што робіць яго прыдатным для слухачоў, якія шукаюць новага ў сучаснай музыцы.
Relikt творча выкарыстоўвае незвычайныя атмасферныя гітарныя эфекты, а таксама народныя духавыя і ўдарныя інструменты. Гурт грае як гучныя жывыя, так і неразлучныя шоу. У залежнасці ад канцэпцыі мерапрыемства музыка гурта можа пераходзіць ад энергічнай да паветранай і лірычнай.
ZNICH — archaic-folk black pagan metal, легенда беларускага Pagan Metal. Гурт Znich быў заснаваны ў 1996 годзе, з таго часу склад некалькі разоў мяняўся. У гэты перыяд калектыў выступаў на розных фестывалях і канцэртах як у Беларусі, так і за мяжой (Польшча, Украіна, Францыя, Літва). Гурт вядзе актыўную канцэртную дзейнасць і неаднаразова выступаў у якасці гасцей і ўдзельнікаў фестывалю «Басовішча» ў Польшчы, а таксама на ўсіх фестывалях «Be Free». Гурт прэзентуе на фестывалі новую праграму, якую яны называюць архаічна-фолкавым блэк-паган-метал.
DERWANA грае славянскі рок, поўны таямніц, нязведаных зямель, казак і яшчэ невядомых гісторый.
SYRBSKI JEB — жывы транс і гукавы тэрор. Іх цяжкія, гіпнатычныя песні ўжо 20 гадоў трасуць сцены андэграўндных клубаў Варшавы. За гэтыя гады яны выпрацавалі стыль, які абапіраецца на нью-вэйв, псіхадэлію, нойз-рок і нон-вейв, і тым не менш ён па-ранейшаму ўнікальны.
Арганізатар фестывалю ў Варшаве Алесь Таболіч распавёў, чаму варта далучыцца да імпрэзы:
— Калядны фэст — гэта працяг фестывалю, які быў у Менску. Ён праходзіў на працягу 10-ці гадоў. Фестываль створаны Змітром Сасноўскім (гурт «Стары Ольса») і Віталём Супрановічам (які адсядзеў у турме і пакінуў краіну разам з жонкай). Фестываль забаронены ў Беларусі. Мы вырашылі яго аднавіць у фармаце: для беларусаў замежжа ў Польшчы. Гэта ўжо другі фестываль. У 2022 годзе праводзілі першы раз. Зараз ён праходзіць у новым клубе: «Сцена Хмельна» ў цэнтры Варшавы.
На пытанне, чым адметная гэтая падзея, Алесь адказвае:
— Зараз да беларускіх гуртоў далучыліся і польскія гурты фолк, метал і рок-сцены. Таксама мы плануем усё ж такі яго рабіць больш шырэйшым, калі гэта атрымаецца, як фінансава, так і падтрымкай беларусаў замежжа. Пакуль ініцыятыва ідзе толькі ад мяне. Я з павагай стаўлюся да тых людзей, якія гэта рабілі шмат гадоў, яны як аднадумцы, сябры. Каляды, як і Купалле, і Гуканне Вясны, і Багач — усё святы, якія звязаны з нашай культурай, якую мы плануем адраджаць па-за межамі Беларусі.
Далучайцеся да святкавання Калядаў!
Калядны фэст адбудзецца 23 снежня ў Варшаве.
Дзе: Scena Chmielna Klub Bar, Nowy Świat 27A
Адкрыццё брамы: 17:00
Пачатак канцэрта: 18.00
Хочаце даслаць навіну? Пiшыце: @ex_presslive.
Добро пожаловать в реальность!