Дабраахвотнік палка Каліноўскага Ян «Беларус» Мельнікаў, якія ваюе ва Украіне з 2014 года, – пра сэнс жыцця.
Мінамётчык распавёў каналу Жыццё-маліна, што прыцягвае жыць марамі пра вызваленне Беларусі.
На пытанне, ці варта дапускаць сітуацыю, калі адныя беларусы будуць страляць у іншых, Мельнікаў прывёў вобраз гвалтаўніка, які жадае напасці на вашую жонку, але пры гэтым гаворыць на беларускай мове: няўжо вы не прыменіце сілу, толькі таму што ён беларус?
Дабраахвотнік назваў большасць абвінавачванняў у адрас штаба палка Каліноўскага галаслоўнымі – у тым ліку абвінавачванні ў крадзежы грошай. Мельнікаў прывёў у прыклад сітуацыю са знаёмым: ён набыў аўтамабіль яшчэ да поўнамасштабай вайны, але плёткі сцвярджалі, што пакупка адбылася ўжо пасля яе пачатку.
Ян Мельнікаў так адказаў на пытанне пра страх смерці:
– Не страшна паміраць, страшна жыць. Ва Украіне я захапіўся творчасцю Уладзіміра Караткевіча. У яго ёсць такія словы «Я нарадзіўся на Дняпры, і ён у Кіеў цячэ з майго сэрца». Я такі: «Так! Пра мяне». Я зразумеў, што мы з ім вельмі блізкія істотна.
Я пачаў перачытваць усе яго творы, працы. Яго раман «Леаніды не вернуцца да зямлі (Нельга забыць)», там ёсць такія словы «Лёгка памерлым і нясцерпна жывым, што мёртвых у сэрцы нясуць».
Я зразумеў, што смерць – гэта тое, што чакае кожнага. Але ў цябе ёсць два варыянты: жыць звычайнае жыццё, якое навязвае табе грамадства (праца, дом, жонка, сямʼя), або пражыць гэтае жыццё так, каб наступнае пакаленне памятала пра цябе, і каб ты быў прыкладам для пакаленняў.
Гэты шлях абралі сотні, у тым ліку беларускіх добраахвотнікаў. Я проста адзін з той тысячы людзей, які таксама зразумеў, што для мяне нейкія мае ідэалы, погляды жыццёвыя, якія ўклалі ў мяне маё асяроддзе, мае сябры, мой бацька, яны для мяне вышэй, чым проста камфортнае жыццё, дзе я магу зарабляць грошы і проста жыць.
Добро пожаловать в реальность!