У гэтым годзе Лукашэнку "умирали" разоў пяць. Апошняя сьмерць была некалькі месяцаў таму, яго ажно маскоўскія лекары адкачвалі. Ці з Масквы прыяжджалі, ці ў Маскву вазілі, піша палітолаг Павел Усаў.
Наколькі памятаю, гарантыі сьмяротнай хваробы і канчатковага паміраньня Лукашэнкі даваў Валеры Цапкала. Ён спасылаўся на самыя дакладныя крыніцы крамлёўскіх лекараў.
Як бачым сёньня, Лукашэнка жывы і здаровы.
Зараз прышла чарга паміраць Пуціну, прычым, ягоная сьмерць апісана проста ў дробезях. (Упаў з ложка, корчыўся, астаноўка сэрца). Як з Лукашэнка, які то пад стол хаваўся, то ў шафу залазіў пад час пратэстаў.
Навошта і зь якой мэтай распаўсюджваюцца такія плёткі?
1. Знешняя дэзінфармацыя і пераключэньне ўвагі (асабліва СМІ) з важных падзей;
2. Пераправерка атачэньня на лаяльнасьць і выяўленьне ўнутраных выцекаў;
3. Дэскрыдытацыя апазіцыйных "аналітыкаў", а таксама палітыкаў, якія ўжо пачынаюць дзяліць тэчкі, як было ў сітуацыі з Прыгожыным.
Заўважце, што ў апошнія 2 гады Пуцін і Лукашэнка пачалі паміраць значна часьцей, чым гэта было да 2020-2022 гадоў.
4. Знешнія ўкіды, для ацэнкі ўнутранай стабільнасьці і кансалідацыі сістэмы ў перыяд крызісу;
5. Унутраныя "вучэньні" дзеля разуменьня таго, як не дапусьціць развалу сістэму ў сітуацыі рэальнай сьмерці. У адрозьненьні ад сістэм ХХ стагоддзя, сеньняшнія неааўтарытарызмы імкнуцца прааналізаваць і мінімалізаваць наступствы. Удана: Азербайджан, Узбекістан. Няўдана - Казахстан.
6. Ну і канешне, падняць хайп, каб набраць падпішчыкаў.
Той факт, што Пуцін "памёр", а сістэма працягвае функцыянаваць ў звычайным рэжыме, сьведчыць пра тое, што яна мае даволі моцныя засобы вытрываласьці і сьмерць дыктатара, яшчэ не азначае сьмерці сістэмы.
Добро пожаловать в реальность!