«Успаміны пра Жодзіна і Барысаў ствараюць цёплую атмасферу, у грудзях робіцца горача, асабліва, калі прыгадваю пра людзей, алею ліхтароў і бібліятэку», — кажа барысаўчанка ў эміграцыі Анастасія для акцыі «Мой горад».
— Гэта мясціны, якія пакідаюць асаблівыя ўспаміны, і мой досвед з мерапрыемствамі і ўдзелам у праектах падкрэслівае важнасць творчасці і чытання. Спадзяюся, я маю рацыю, калі кажу, што бібліятэка — гэта не толькі кнігі, але і прастора для натхнення і зносін, асабліва для дзяцей, — дзяўчына распавяла гісторыю аб яе ўлюблёным месцы ў Жодзіне.
— Я жыла ў Барысаве, але ў Жодзіне ў мяне таксама ёсць месцы сілы. Гэта, напрыклад, алея ліхтароў. Так, яна не такая прывабная, як, напрыклад, алея ў Берасце, на якой сапраўды ты гуляеш і атрымліваеш асалоду ад кожнай скульптуры, фатаграфуешся. У Жодзіне алея ліхтароў іншая, яна асаблівая. І, трапляючы ў яе, адчыняецца партал у іншае месца, у якім таксама можна адпачыць і атрымліваць асалоду ад імпрэзы, праектаў, падзей.
Гарадскія бібліятэкі ў Барысаве і ў Жодзіне для Анастасіі — таксама файныя месцы:
— Я была там некалькі разоў. Цяпер я знаходжуся ў эміграцыі, але калі жыла ў Барысаве, я ўдзельнічала ў мерапрыемствах, якія арганізоўвала бібліятэка ў гэтых двух гарадах.
Па словах жанчыны, нават з дзецьмі яна выходзіла на цікавыя івэнты:
— І нават нешта выйгравалі, нейкія прызы. Цяпер ужо не ўспомню, але засталіся такія прыемныя ўспаміны. Гэта было месца для творчых людзей, якія могуць далучыцца да цікавых праектаў, паўдзельнічаць, убачыць выставы, узяць кнігі, каб іх прачытаць. І ўвогуле вельмі важна, як мне здаецца, прывіваць культуру чытання ў цэлым, а таксама чытання кніг з бібліятэкі, бо гэта экалагічнае рашэнне.
Таксама беларуска лічыць, што для дзяцей нарэшце важна прыцягнуць свае творчыя і крэатыўныя здольнасці ў конкурсах і творчых мерапрыемствах.
Хочаце далучыцца да акцыі? Мы на сувязі: @ex_presslive
Добро пожаловать в реальность!